رواز
تسأل عنك العافية قلبي الحمدلله تمااااااااااااااااام
:24: :24: :24:

رواز مشكوره عن السؤال
سالت عنج العافيه

بنات ودي تجاوبوني هالضيقه وش منه تجي

انا مليت الانتظار
وترى مهي بعيشه
الطلعات والروحه والجيه لازم يبيلها رجل

والله ماطلع مع اهلي علشان ما انحرج
اللي يشوفني مع امي وابوي تقول ضرة امي

احس شكلنا قريب لبعض

لدرجه اصحاب المحلات ان دروا ان اللي تمشي معاي امي مايصدقون

هذا وانا لابسه نقاب وعباة بين فيني الكبر

شلون لومكشفه

والله كل يوم ابجي
وتبون الصج مافيني وازع ديني
معني احرص عالصلوات والادعيه والقرآن
وقيام الليل احيانن
والتراويح
الا هالضيقه وش منه ماني عارف
على فكره انا رحت لمطوع يقرا علي
لان صابني صداع نصفي
تخيلوا قرا علي وشخص حالتي
ملل ضيقه خمول بجي عصبيه
وغيره الكثير
كل مابي مسكرب
وضربات سريعه بالقلب وضيق تنفس احيانن
ولوعة جبد

اقوله ها ياشيخ وش فيه
مايرد علي ويبتسم
طيب ان فيني عين ولا نفس ليه ماقالي وريحني
على الاقل اقنع بسبب عدم الزواج والتاخير كل هالمده
هو صج صغيره
وعمري21
بس الايام تمضي والحياة مستمره
وابي اعرس
نفسي طقت
وش ابي من العرس
الناس وش تبي منه
ماعندي مانع اتكلم
مهو بس بيت واستقل عن اهلي
ابي واحد يحس فيني

وانا والله يابنات حاطه واحد براسي
وادعولي اخذه ولكم اجر ان شاء الله
وعسى الله يرزقكم بازواج صالحه
ويجمعكم مع من تودون

وسلام

جزاكم الله خير خواتي
واتمني ما تنسوني وادعولي
الله يسعدكم يارب ويرزقكم اكثر مما تتمنون
يارب

عـــــــــــــــــــــــــــــاجل ومــــــــــــهـــــــم ..
يابنات منو صارت تشوف احلام غريبة بعد المواضبة على سورة البقرة..
من يوم واضبت على قراءة سورة البقرة صرت أشوف احلام غريبة ..والحين اسمع بأذني صوت مرة تصرخ واخر مرة طفل ما ينتهي الا بعد ما اقوم من السرير نهائيا ..علما اني حافظة السورة من ثلاث سنين بس ما كنت اراجعها باستمرار ..

مساء الخير خواتي...شخباركم ؟ يارب تمام وبصحه وعافيه...

حبيبتي رواز مشكوره يالغاليه على سؤالج...بس صدقوني دومكم ببالي وأدعي لكم كلكم..تراكم والله نعم خوات....بس الشغل ما خذني شوي....الحمدلله على كل شي...

بنـــــات أنا بأذن الله تعالى بروح العمره...يعني اليوم أخر يوم أكتب فيه معكم بس مو معناته أني ما أرجع لكم..ان شاء الله يوم أرجع برجع لكم...
وطبعا يالغاليات أنتن خــــــــواتي وبأذن الله تعالي ما بنساكم من الدعاء ببيت الله...

وأنتوا بعد لا تنسوني من دعواتكم....ترا يالبنات في شخص طلبني للزواج من فتره مو طويله بس لحد الحين ظروف شغله وهو بعده في بريطانيا...بس أكد لي أنه بيرد نص رمضان أو بالعيد بأذن الله تعالى وراح يتقدم لي...طبعا الكمال لله..بس والله عاجبني فيه أول شي ألتزامه ودينه وأخلاقه..تراني بكون محظوظه لو صرت زوجته.......أمانـــــــــــه خواتي لا تنسوني من دعواتكم.....

أختكم...