اختي Rosee

من كم سنه خطبني واحد اصغر مني باربع سنوات .........فيه كل المواصفات الي اتمناها
بس رفضته بسبب سنه وصدقيني لو السنين تعيد نفسها .رجعت ووافقت عليه.
السن مش مشكله اذا كان قد المسؤوليه
سئلي عنه وعن اصله اذا اصله طيب وهو قد المسؤوليه يقدر يفتح بيت استخيري الله وتوكلي عليه ولا خاااااااااااااب من استخاار

السلام عليكم خواتي اشحالكم
حبيت اسالم عليكم وانا تراني اتابعكم بس ساعات يوم ادخل ما اعرف شو اكتب
فقلت ادخل اسلم عليكم وقوللكم اني ما نسيتكم
:26:
اختي سنفورة الامارات
تصدقين كلامج صح
صدق يوم قريته حسيتج كانج قالتيلي الي في قالبي والي ما عرفت كيف اقوله لنفسي
صادقة اختي في كل الي قاليتية
والله يسعدج يارب دنا واخرة
:26:
اختي rama_love
والله كلامج فرحني الله يسعدج يارب بقدر جلال وجهة وعظيم سلطانة ويشرفني اني اكون صديقتج
بس بسالج شو تقصدين يوم قاليتي :
مع إني بصراحة كنت في البداية شوية هههه؟؟؟؟؟
والسموحة خواتي

اخبركم فيه اشيا ثانيه غير العمر

انا العمر مب هامني

اولا من مكان بعيد
ما ادري مستواه المادي اكيد اقل بوايد
اصله................ صعب صعب اني ارتبط من هالاصل

شو اسوي ياربي

اخبركم انه بعد ما عندي احد أسال عنه

في استفهام كبييييييييييييييييييييييييير (ليش هو خل كللللللللل بنات ديرته ويا لوحده ما يعرفها ومن ديره بعيييييييييييييده)

وكالة (( يقولون ))
****************
المشهد الخامس :
=========
( 4 في غرفتها بعد ماحدث منهاره وقامت بالاتصال بصديقة عمرها 6 )

4 ::: ( تبكي ) ألو 6
6 ::: هلا 4 وش فيك ؟؟؟؟!!!!!!! ليه تبكين وش صاير؟؟؟؟؟
4 ::: ابي اتكلم ماقدر اتحمل اللي انا فيه ولا ابي اهلي يدرون اخاف البيت تصير فيه مشاكل بسببي
6 ::: ليه بسببك وش صاير خوفتيني احكي تكلمي
4 ::: اختي اللي من لحمي ودمي تكرهني تخيلي وش سوت فيني ............
( قامت 4 باخبار صديقتها بكل ماحصل سابقا )
6 ::: اسمعي حبيبتي انتي الحين إهدي ولاتكلمين احد من اهلك عشان مايحسون ان فيك شي خليك بغرفتك ، توضي وصلي واقري قرآن وادعي ربك يهديها ، وان شاء الله بكره نكون فكرنا بحل لهالمشكله ، خلاص اتفقنا
وبالنسبه لشغلك اخذي بكره اضطراري وانا باسير عليك العصر بس مو تقولين اجازه ولاتسوين لي حلى من ايدينك ترى ازعل عاد
4 ::: ( تبتسم ) والله انك فايقه ورايقه ، جيبي حلاك معك
6 ::: يعني هذا جزاتي افكر معك ماتسوين لي حلى ، طاااييييب ، قهوه شاهي ، أي شي راضيه مادام منك
4 ::: ( تبكي )
6 ::: خير بعد ليه تصيحين ، هونيها وتهون ، اختك في سن مراهقه وطيش والموضوع سهل ان شاء الله
4 ::: الله يخليك لي ، لو ماانتي والا كان مادري من يوقف معي والا من افضفض له
6 ::: ياشيخه لو ماانتي بعد والا كان أنا بعد نفس الشي ، تذكرين أيام الدراسه والاختبارات من ساعدني بعد الله الا انتي ، كل صديقاتي تركوني يوم تطلقت الا انتي وقفتي معي ، ويوم ابوي كان مديون من ساعدني بعد الله الا انتي ، حتى اقاربنا ماسألوا فينا حسبي الله ونعم الوكيل ، والله مافيه مثلك بس اختك ماتستاهلك ليتني مكانها الله يهديها بس .
4 ::: الله يسمع منك ، يالله انا بروح اصلي اشوفك بكره لاتتأخرين علي
6 ::: طيب ياعيوني لاتنسينا من الدعاء وباجيب الحلى معي ولايهمك ياجميل ، مع السلامه
4 ::: مع السلامه .
---------------------
المشهد السادس :
=========
( في اليوم التالي حضرت 7 ( والدة كل من 4 و 5 ) لغرفة ابنتها 4 بعد الظهر ودار بينهما هذا الحوار)
7 ::: وش فيك حبيبتي مارحتي الشغل ؟
4 ::: مافيني شي بس راحت علي نومه وصحيت متأخر وتكاسلت اروح
7 ::: طيب زين انك مارحتي عندي ضيوف اليوم بعد العشاء وابيك تساعديني
4 ::: منهم ؟
7 ::: حرمه تبي تخطبك لولدها
4 ::: ( في استغراب ) انا ؟!!!
7 ::: ايه ، اتصلت علي اليوم الضحى وقالت بتجي تزورنا ، يقاللها أم3 ، تذكرينها يوم العزيمه كانت جايه
4 ::: أم3 ؟؟!!!!!!
7 ::: شوفي يابنتي ، أنا ادري باللي صار كله امس ، ادري ان اختك ردت على التليفون ، وادري بكل اللي سوته وادري ليه امس اغمى عليك وكذبتي علي وقلتي انك ماأكلتي شي من الصبح
4 ::: ( مندهشه ) تدرين ؟؟؟؟!!!! وشلووون ؟؟؟؟؟؟
7 ::: من فتره كنت اشك بالشغاله انها تستخدم التليفون ولقيت عندها ارقام وانكرت ، قلت لابوك يشتري لي جهاز تسجيل تليفون بدون ماحد يدري وحطيته عندي بالغرفه عشان ماتشوفه الشغاله ، والجهاز ماله يومين وكنت باقوللك عنه بس انشغلنا مع العزيمه ، ثم سمعت اتصالات اختك ومكالماتها مع صديقاتها الله لايعيدهم وردها على الحرمه اللي اتصلت ومكالمتك لصديقتك وفهمت السالفه كلها
4 ::: ( بخوف ) ابوي يدري
7 ::: لا مايدري ، لكن اختك اللي باخليها تعرف ان لله حق ، خلتني اتهم الشغاله والارقام صارت لها !!!
4 ::: 5 ؟؟؟ معقوووول ؟؟؟؟؟؟؟
7 ::: كلامها مع صديقاتها يشيب الراس يابنتي ، لكن الحمدلله انها ماوصلت مواصيلهم ، ونقدر نعالج الموضوع بيننا
4 ::: الحمدلله ، والله اني من زمان حاسه وخايفه عليها من صديقاتها ، بس يمه يمكن تنكر وتقول انا مسويتلها شي؟
7 ::: لا ماعليك حبيبتي انتي ، والله اني مابرد قلبي الا يوم شفتك بنت عاقله تعرفين تتصرفين بالمواقف ، وصديقتك الله يسعدها بعد زين انها بتجي اليوم اشوفها
4 ::: ( تفكر ) امي ، موضوع الخطبه كيف مافهمته ؟
7 ::: ( تبتسم ) جبت الرقم واتصلت عليها وقلت لها انك رفضتيه وفكيتي الخطبه أمس عشانه مايبي أمه تعيش معكم وقلتي اللي مافيه خير في امه مافيه خير في احد ، وقلت لها ان كانت تبيني اقوللك الموضوع والا انساه كنه ماصار ، طلعت ميته عليك تقول ماقدرت تنام امس كانت تدعي انك تكونين لولدها وفرحانه ان ربي استجاب دعائها .
=============================
:26:

اتمنى يكون الجزء الاخير عجبكم وبغيت اسويها مية حلقه عشان المية صفحه بس خفت تمللون :27:

<<<<<<<<<<<<<<< مابقى هبال ماطلعته بس لاصلاة ولا صوم وش نسوي ههههههههه

السمووووووووووحه

سلااااااااااااااااااام

Rosee
لو انا مكانك رفضته
اصغر منك بــــــــ4 سنوات
واااااااااااااااايد مب شوي
انتي خبرتك بالحياة أكثر منه
و صدقيني لا تصدقين الكلام المثالي و الأحلام
من كلامك شخصيتك واقعية يعني مستواه المادي-العائلة-بعد مكان اقامته- = اشياء وايد كلها تخليك تقولين لالالالالالالالالالالالالالالا
حبيبتي لا تعورين راسج بالتفكير
حياتك الحين يمكن اريح من لو انك تزوجتي واحد انتي من بداية خطبته لك و انتي مب مرتاحة و الدليل انك طرحتي موضوعك علينا لو انك مرتاحة من البداية ما ترددتي
عيشي حياتك و مثل ما قلتي ما بتنقصك ايد ولا رجل لو انك ما عرستي
حتى لو عمرك 28 ما فيها شي و طزززززززززززززززززز في كل من يتكلم عنك بالشين





و شي ثاني حبيت اذكر البنات به
ذكرت لكم موضوع اول امس بس محد عبرني و شاركني فيه ؟؟؟؟؟؟؟؟؟؟؟؟؟؟؟؟؟؟ و بصراحة زعلتوني منكم
اعيد كتابة الموضوع:::

مساء الأنوار على الجميع
فديت قلووووووبكم حبايب قلبي
شخباااااااااااااااركم؟؟؟؟؟
ولهت عليكم وااااااااااااااااااااااااااايد
صار لي 3 ايام ما دخلت النت
بسبب التعب و اللي ما تتسماش<<<< خربت صيامي
المهم ...
اول امس كنت وايد متكدرة واااااااااااااايد و ضايق خلقي
بنات تصدقون انه صار حادث على جسر الملك فهد و راحو ضحية الحادث : (((((ثلاث اخوات + اخوهم))))))))) بحرينيين تسبب في الحادث شاب يسوق سيارته بسرعة جنونية و دخل في المسار اللي هم فيه و طحن سيارتهم حطااااااااااااااااااان
تصورو
و اعمارهم تتراوح بين 24 و 14 سنة
يعني شباب
ش تخيلون حالة امهم و ابوهم .............؟
حسيت بضيقة و تكدرت واااااااااااااااااااااااااااااااايد سبحان الله راحو في غمضة عين
ما بقى الا الأم و الأب و العيال راااااااااااااااحو
سبحان الله استغفر الله اللهم الهمهم الصبر و السلوان و الله يمسح على قلوبهم
ادعو لهم يا بنات
سامحوني ما قدر اكمل
والله كنت ناوية ارد على كل وحدة منكم بس اعذروني الحين
لا تنسون تدعون للي توفو في الحادث و تدعون حق اهلهم و الله يجزيكم خير


خلاصة الموضوع اللي ابيه منكم بس انكم تدعون لأهل المتوفين في الحادث فــــــقـــــــــط