أختي Rosee
انا مع الاخت Swarovski بكل كلامها وصدقيني اذا لك نصيب فيه بعد الاستخارة بيكون لك واذا لأ راح ترفضينه وراح يتبين لك السبب ... شوفي اختي انتي قوية وانا اهنيك على موقفك بس اللي ابيه منك انك تهدين اشوي وتستخيرين على طول لحد ما تتضح لك الرؤيا والله كريم ان شاء الله بيرزقك باللي احسن منه عاجلا غير اجل وهذا احنا كلنا معاك وبالتحديد انا اكبر منك ولحد الحين اطلب من ربي الستر ولكن عايشة الحمدلله وصدقيني اتضايق من كلام الناس ونظرتهم البايخة اللي بمناسبةو اللي من غير مناسبة هذا غير الناس اللي بس عايشة حق التشمت في بنات الناس واحنا يا اختي طالبين الستر من رب العالمين مارحنا تفصخنا ولا ركظنا وري الرجاجيل علشان نتزوج الحمدلله بسترنا وبصلاتنا وبدعائنا ربنا بيفرجها علينا كلنا وازيدك من الشعر بيت تري ظروفي نفس ظروفك بالضبط ويمكن اكثر لاكن ماراح افقد الامل واكيد ربي بيرزقني باللي يفرح قلبي ويعوضني عن كل مافات من عمري ان شاء الله .... حبيبتي دايما قولي اذا ما صار لي نصيب ربي معاي والحمدلله على الصحة والستر ونعمة الايمان ياعمري تخيلي لو احنا استغفر الله مانصلي ولا نقرأ القرآن تصوري اشلون بتكون حالتنا لاكن مع هذا القرآن والصلاة رحمة من رب العالمين لنا في اي وقت نتضايق ندعي رب العالمين وفوق هذا لنا اجر وان شاء الله ربنا يستجيب لنا خليك قوية وتركيها على ربك وقولي الحمدلله على كل حال .... خلينا نشوف ابتسامتك وتري الزواج مو نهاية العالم يمكن تتزوجين شخص ماله اي قيمة بالمجتمع وفوق هذا بخيل ولا يضربك ولا مايحس بالمسئولية ولا مايعرف ربه ولا .... ولا .... الخ بترتاحين بس علشان الناس تقول Rosee تزوجت ...!! لا والله احرصي على اختيار الزوج الصالح اللي ترتاحين له ومعاه هذا زواج مو لعبة ... اتمني ما اكون ضايقتك واتمني لك كل الخير :26:
اختي ام ناصر
عظم الله اجر اهل هؤلأ الابناء و ثبت قلوبهم وانا لله وانا اليه راجعون
انا شفت الحادث اللي بين السيارة الجيب الازرق والسيارة الحمراء على جسر الملك المؤدي الي البحرين في منتدي اخر وكان الله بعون اهلهم الحادث جدا فظيع الله يرحمهم برحمته ويغفر لهم
الله يرزق كل البنات اللي يبون الستر بالزوج الصالح آآآآآآمين يارب ويرزقنني
وكل من ترغب بالذريه الصالحه ياسميع الدعاء:26:
وكل من ترغب بالذريه الصالحه ياسميع الدعاء:26:
الصفحة الأخيرة
أنا كتبت رد ل منتظرة ضمة غلاك.....عن اليقين وأنتي حسبتيني أقول مثلها(فقط للتنبيه)
حتى أنا قريت كلامها بسرعة وفهمته غلط:11:
أمل نجد: تسلمين الغالية:27:
أم ناصر: آسفة ما علقت على موضوعج,الله يرحمهم ويصبر أهلهم
هموم: الله يرزقج بالزوج والذرية الصالحين....همسة في اذنج: لو تغيرين النك,يمكن نفسيتج ترتاح:27:
Rosee:أهم شي الاستخارة....واستفت قلبك ولو افتوك
بس تعالي نحلل المواصفات....
-عمره 24 وانتي 28سنة:والمعروف ان البنت لو كانت في نفس عمر الشاب بتكون أنضج منه.فما بالج لو كانت أكبر منه بأربع سنين....وتخيلي بعد 10 أو 15 سنة,هو في عز شبابه وأنتي داخلة سن الحكمة(ما بقول اليأس...مب في قاموسي)
-الأصل: اذا أنتي مب مقتنعه بأصله.أحس صعب تكملين معاه, لازم ريلج تنظريله نظرة احترام,مب دونيه(هذا شي نفسي) ويعتمد على محيطج,اذا يتقبلون هالشي.
- المستوى المادي:تتوقعين انه أقل منج.....نفس النقطة اللي فوق.
-من منطقه بعيييده.....اذا عنج استعداد تبعدين عن أهلج وشغلج,أوكي بس لازم يكون عريس لقطه.....صعب وايد انج تعيشين 28سنة في مدينة معينة,وفجأة تنتقلين مدينة ثانية مع شخص مجهول
انسي كل اللي قلته:
ما في احد ثقه تسالين عنه
عاد هذي الوحيدة اللي لازم ما تجاملين فيها.....هذا زواج, مب فستان ما عجبج بتبدلينه ولا بتعطينه أي حد.
روزي: اتمين طول عمرج مب معرسة...أحسن من أنج تتزوجين شخص مجهول, انتي مب ذاكرة عنه ولا ميزة غير انه ريال وبس.
أنا أمس كملت 27 سنة(كل عام وأنا بخير:27:) بس لو ياني معرس بنفس مواصفاته...وما رمت أسأل عنه...ما بجازف ......نفسي عزيزة علي
وان كان على الناس....ترى شو ماسويتي ما بيسكتون
يقولون عانس ولا يقولون متبهدلة مع ريل ما حشمها.
Rosee
كل الكلام اللي قلته, مبني على المعطيات اللي ذكرتيها....ماابى أظلم الريال..ولا أوقف نصيبج ونصيبه....فلو رديتيه ,وعقب تكشفتلج حقائق ثانية, وندمتي.....لا تدعين علي(أختج مب ناقصة)
فكري زين...وصلي استخارة أكثر من مرة
أختج المحبة: طوق البنفسج