السلام عليكم ورحمة الله وبركاته
عزيزتي الرشيقه
( السمينه الدوباا البطة ذات الوزن الزائد .. بكل لهجات الأمم)
انا تقريبا اشيك على هالقسم يوميا ً
بسألكم سؤال واحد بسسس >> طويل شوي خخ
الى متى ياحلوات وانتم تفتحون مواضيع عناوينهم
(ابي شي ينحف )
(من جربت حبوب ..... للتنحيف)
(من جربت خلطة ..... للتنحيف )
(( من الصيدليه حبوب تنحيف مضمونه ))
( خلطة للدكتور علان مضمونه للتنحيف ))
.................................................
تقريبااا مواضيعكم وصلت الألف خلال الشهرر
وكلكم تدورون الرشاقه
.......
انا وحده منكم
وادري ان الرشاقه احلى حلم للبنات والعجايز بعد
...........
ابي منكم تسألون انفسكم مية مرره قبل ماتدورون شي سحري للتنحيف
...
لو فيه حبوب او خلطة أو أعشاب تنحف بدون ريجيم ورياضه
كان ماشفنا بدين على وجه الأرض
........
صحيح
مو بس كذاا
كان مافتحت عيادات لشفط الدهون
وكان ماسوا الأطباء عمليات ربط وتحوير ودخلووا بالون للمعده
.........
ولااا برايكم انه فيه شي بتكتشفونه مابعد اكتشفوه الأطباء والعلماء ؟؟؟
.......
من معاناتكم بالسمنه تتمنون تزيلونها بيوم واحد >> حلم بليس بالجنة
.........
عندكم العم قوقل ابحثي فيه عن تجارب البدناء سابقاً
ثلاث ارباعهم ان ماكان كلهم
نحفووا ووصلواا اهدافهم بتعديل نظام اكلهم وممارستهم للرياضه
بعضهم قرروا يسوون عمليات علشان مو قادرين يتحكمون بأنفسهم
وطبعا العمليات لهاا أضرار مليون بالميه
لكن اذا صار ضرر السمنه على الشخص أكبر من ضرر العمليه
المفروض طواااالي يقرر الشخص العمليه ويحافظ على نفسه من الهلاك
...........
لان السمنه مو بس تخرب الشكل
ممكن تجيب أمراض خطيره تؤدي للوفاة لاسمح الله
..........
طيب
والللي تجي تقول فلانه نحفت من حبوب مدري ايش
وعلانه نحفت من خلطة مدري ايش
ماأكذبهم لكن أولا
اللي ينفع لغيرك ممكن ماينفع لك
ثانيا
الأجسام وحساسيتهاا تختلف
ممكن انتي معرضه لقرحه المعده وغيرك معدته تمام ماشاء الله وماندري عن جسمه مستقبلا ً
ممكن انتي معرضة للسكر والضغط وغيرك دمه تماام ماشاء الله وبرضو ماندري عن تأثر جسمه مستقبلا ً
..........
حبايب شطورين نلقى خلطات وحبوب لأطباء وخبراء يمدحونها
ويجي طبيب ثاني يذمهاا
<< اجتهاد كل طبيب طبعاا ومعرفته
............
لكن مستحيل نلاقي طبيب يقول تخفيف الأكل يضر المعده ولا له آثار جانبيه
ولا يقول ثاني الرياضه والمشي خطير على الكلى والدماغ
......................
منهاا ياحلوات نستنتج ان تخفيف الأكل سواء تخفيف قوي ولاااا بسيط
مع الرياضه بأي نوع
هو أفضل وأصح طريق للنحافه بدون مشاكل على صحتنااا حاليا ولاا بمستقبلنااا
.............
وابي كل وحده مااعجبها كلامي تحسب كم سنه وهي تفرفر تدور شي ينحف ومانحفت
وتقولناااا اوك ؟؟
............
واللي بيعجبها كلامي اكيد شطوووره وفاهمه وراح توصل هدفهاااا أسرع من الحلوات اللي يبون الرشاقه تسير عليهم :hahaha:
...............
مو كأني طووولت شوي
اعذروني بس قلت ان شاء الله تقرا وحده من اللي ناوين ينزلون موضوع يبحثون عن الحل السحري للرشاقه
وتغير رايهااااا ونخفف شوي من الضغط << فوق راسك ياشيخه خخخخ
...........
مع تمنياتي لكم بالتوفيق
وربي يرزقكم الرشاااقه عاجلا غير آآجل << أدري تحبوون هالدعوه وتستاهلون :35:
وسن_998 @osn_998
محررة
يلزم عليك تسجيل الدخول أولًا لكتابة تعليق.
ريمووو26
•
جزاك الله خير
امين الله يجزاك خير وعلى فكره جربي عصير الاناناس السحري الحارق للدهون تراه روعه ومن تجربتي الشخصيه هههههههههههه
الصفحة الأخيرة