اسعد الله مساااءكم وصباحكم
قبل اسبوع كنت اعاني من الحموضه ولا انا عارفه وش فيني ؟؟
ليمن ارتجع المري وترك اثار جدا اليمه
عشان كذ بكتب تجربتي وخطتي فالعلاج
مع اني تكلفت حوالي الفين ريال على الفاضي للمراجعه والتحاليل اللي مالها لزوم
اولا راح اقولكم الاعراض اللي مرت علي
خمول و وهن وتعب
عند السجود تحسين في راسك روائح مختلطه وماودك تطمنين راسك عن مستوى جسمك
بلغم مع عدم وجود التهاب فالحلق
كثرة النحنحه
لو حاولتي ترجعين تزيد الحمووووووضه فالحلق وما يخف اللي فيك يعني عكس المر
نفسية معدومه مالك خلق احد
غثيان وصدااااع
دوااارر وخصوصا بعد الاستيقاظ من النوم وقد يستمر يومين مثلي
هالامور هذي استمرت 3 ايام الرابع بدا الم فضيع بالحلق وصعوبة فالبلع - ريقك ماتقدرين تبلعينه يقومك الالم من عز نومك
طيب الان وش الحل
اولا لاااازم تنتبهين لاكلك الحوامض ممنوع
ممنوع الغازيات والقهوه
والاستلقاء مباشره بعد الاكل
الابتعاد التام عن الدهنيات والزيوت والمقليات
واي شي له صله بالدسامه والدهون حتى الدجاج واللحم
ضروري اتباع حميه فالاكل
الشاهي مسموح بس لازم خفيف
الزبادي والخبز البر ممتاز
التفاح والموز المستوي مسموح
شوربة الكويكر والخضار بدون طماط
عصير الجزر والتفاح الطازج فقط مسموح من العصاير
الخيار والطماطم الطازج غير المطبوخ
التمر
الحليب الباااارد جدا ممتاز ورائع ويطفي الحموضه و ينزلها ما تاذي الحلق
لان ارتفاع الحموضه للحلق يسبب التهاب كيميائي
الان لو فرضنا انك خلاص طاحت الفاس بالراس و وصلتي لمرحلة الالم الفضيع بالحلق ضروري عالريق الغر
غره بماء دافي مخلوط بعسل مقري فيه ايات الشفاء والحمد سبع مرات و المعوذات - تغرغري بنص الكاس و نصه اشربيه وبعدين
الان الحل الشافي باذن الله حلاوة الطحينيه
خذيلك قطعة طحينيه و خليها في فمك ومصيها شوي شوي ليمن تذوب وتنزل عالحلق و تغلفه كله جداااا ممتازه يومين بالضبط واتشوفين العافيه يعني كل هالدوامه ما تستمر اسبوووووع بس باذن الله
الطحينيه علاج فعاااال لجروح الفم والحلق اغتمدوها وبتدعون لي
لكن ضرووووري الاستمرار عالحميه اسبوعين او 3 لان المعده لازالت متاثره
واخيرا اتمنا اكون افدتكم ولاتنسوني من دعواتكم