والصلاة والسلام على رسول الله
كل عام وانتوا بخير حبيباتي
بما ان كتبت الموضوع 3 مرات وكل مره ابي اسييف الموضوع ينمسح والله اقتهرت وضاع
كل الحجي و بصراحه لاعت جبدي يعني بالعربي يوم كنت باطول بالتفاصيل راح اختصر قد ماقدر
وبتكلم سيده ----------- مثل مانقول بقطر
اكيد الكل يبي ابيض ويطلع حلو بمده قصيره وانا طحت لكم على منتج رخيص وعجيب بمعنى
الكلمة
اول شي محلول البيبي فيس وانا استخدم رقم 3 طبعا قبل الاستخدام تغسلين بغسولج المعتاد
وبعدها تحطين بالقطنه منه وتمسحين ويهج بس ياريت وتكفون عشان ابري ذمتي من اي شي يصيدكم
ولا وحده تدعي علي وهو مكتوب على القرشه ان ماتحطينه على مكان مفتوح يعني على حبه مفتوحه
او جرح او خدش الحذر حبيباتي الحذر
وسعره ب5 ريال ونص بس
بعد ماحطينا محلول البيبي فيس نجي للمعجزه والسر فيه بصراحه روعه روعه روعه تحطين طبعا اهو
كريم ولاتنسين لرقبه اهم شي وراح اتشوفين النتيجه من رابع يوم لانه المنطقه تتقشر وهذا اهم شي ترا
اللي لاحظته ان مفعول اي كريم تبين نتيجته لازم اتسوين للمنطقه تقشير وتجديد
وسعره 2 ريال فقط
وهذي يعذروني عليها المشرفات وياريت يقطون الصورةوالله مالقيت وحده غيرها وهذي لكريم للركب والاكواع
وانا استخدمه لمفاصل ايدي وريولي وصاروا يلقوووووووووووووون :icon28:
×××
صورة مخالفة
اما هذا فهو ضروري لكل وحده راح تستخدم التقشير او لا واللي بتستخدم التقشير لازم لانه بشرتها لازم واقي اذا كانت تطلع للدوام او كثيرة الطلعات بالذات
وقت الظهر وانا استخدمت كذا واقي مالقيت احسن منه ورتحت عليه وايد وحط الميك اب بعده وعادي يجنن مع ان
راح تقولون ثقيل انا اقول لأوسعره غالي
اشوي بس يستاهل بال100 وخرده
وحبيت اضيف شغلات مهمه او اعتبروها ملاحظات
1- بعد الدوام تغسلين بشرتج عدل وتحطين اي كريم ترتاح عليه بشرتج او كريم تبيض
انا احط مره بوندس للتبيض او كريم بياري بالبابايا
2- محلول البيبي فيس امسح فيه على مفاصل رجلي وايدي وبعدها احط كريم الركب والاكواع
3- اكرر واعيد وازيد بليز لاحد يحط المحلول على اي جرح
اي استفسار انا حاااااضره
وبالتوفيق للجميع
دعواتكم لي بالتوفيق
_________________
انتظر ردودكم