الموضوع صعب...

بس اذا هيه بتتفهم قوليلها بصراحة وبينيلها انج ضايقة وودج يكون عدج مكان خاص.. وفكري معاها لين تقترحين عليها انها تنتقل الغرفة الثانية .. جيه طاح نص الحمل... الحين عليج بإقناعها بالغرفة.. يعني شو تريدين بالغرفة بنسويلج اياه... بنعدلج الحمام.. بنصبغ الغرفة بالصبغ اللي تبينه بنعدلها بالطريقة اللي تحبيها على مزاجج... وانج انتي بتنقلي معاها الاغراض.. وانها بتكون اقرب لامها... يعني الاشياء اللي تحبها وان شاء الله بتفهم وبتنحل

الله يعيننج

اشكركن خواتي

انا قلتلها بهداوه لكنها قالت انها ما تريد
تطلع من الغرفه بتظل فيها مثل الحصاه ( الصخره ) انصدمت من ردها علي ما كنت اتوقع منها هذا الكلام وقالتلي الافضل انكم تطلعون وتبنون بيت هيه تدري انه اخوها مش راضي يطلع من البيت حسبي الله ونعم الوكيل مالي غير اني ادخل اهلي يدورولي حل من المشاكل الي انا فيها عمتي حاطه في بالها اني بفرق بينها وبين عيالها اذا سكنت في بيت لوحدي احس انها ما تحب غير نفسها ما تفكر في راحتي وراحت ولدها قولولي شو الحل .... اخبر اهلي او لا؟ اروح بيت اهلي بس المشكله عيالي في المدارس واهلي بعيد عني ما اعرف شو اسوي ادعولي خواتي ارجوكم ما أريد غير الدعاء ...

يا اختي.. فكري فيها بطريقتج... لو حد قالج انا اريد غرفتج وروحي الغرفة الثانية... اكيد ما بترضين... بي بالمسايس... عليج باللين معاها .. ولو طول الموضوع المهم انها تكون معاج ولصفج... وبعدين تقدرين اتميين دايم اتبينين لها انج متضايقة من ضيق المكان وودج في مكان اوسع وانه اخوها مو راضي بس يالله على الله... هيه بروحها يوم تشوف لطافتج معاها وانج متضايقة من الوضع بتطلع وبتقترح عليج الحل... بس لا تحسسيها انج تضغطي عليها..

اما عمتج ... تراه الامهات كلهم ما يحبون عيالهم يطلعون عنهم يعني عادي... بس المشكله في زوجج اللي ما يريد يطلع.. هنية يا حبيبتي تقبلي الامر الواقع.. ولا تدخلي اهلج في مشكله بسيطة...

المهم المسايس سواء مع الزوج او العمة او اخت الزوج... خذيهم باللين والكلام الزين والحيل.. وعليج اولا واخيرا الدعاء لرب العباد... وان شاء الله بتنحل

اذا كانت اخت زوجك حنينة وتحبك كلميه واذا كانت علاقتك بها عادية حاولي هذة الفترة ان تتحببي لها وتصادقيها وتتوددي لها وبعدين قولي لها اذا كنت تحبيني ساعديني بطلبي هذا وانت وفنك بعد هذة افضل طريقة اولا سايريها وبعدين اطلبي منها الطلب

انا من دخلت البيت عندهم مسايرتنهم ومهتمه بكل شئ طبع اهل زوجي كل شئ لهم اما نحن في نظرهم ما نستاهل مثل ما قال زوجي مستحيل اخرب شكل البيت علشانج يعني يضيفلي في البيت غرفه بتخربه اي مهندس البناء يرتب كل شئ ويكون نفس البيت... يقولي خل اخوانج يبنولك انا ما ببني لك واذا مش عاجبك روحي لأهلك وخلاص انا قررت اروح بيت اهلي