الحل عندي ولا يهمكم

مساءكم احلى من العسل
بصراحه كل ما ادخل المنتدى القى شكاوي كثير من استخدامات الصبغات والسيشوار
المهم انا عندي برنامج صار لي عليه اسبوعين والحمد لله النتائج اكثر من رائعه بس كل الحكايه انك تداومين عليها وتصبرين وميزتها انها طبيعيه
اول يوم حطي علبه زبادي او حسب طول شعرك وحطي عليها 3ملاعق (محلب )
ويكون مطحون بعدين اخلطيهم مع بعض وخليهم فترة 3او4ساعات بعد كذا حطيها على شعرك وخليها الفترة الي تقدرين عليها
بعد ماتغسلين شعرك ادهنيه بشويه زيت اللوز واتركيه لفترة يومين طبعا باليومين هذي وش تسوين ؟؟
في الصباح تشربين على الريق عصير جزر محلى بالعسل او عصير برتقال وضروووووووووري يكون الفطور يحتوي على صحن كبير من الخضار يعني طماطم وخيار وخس وجرجيروكلي خضار طول اليوم والخطوة هذي مهمه مرة بالنسبه للبرنامج
حاولي كمان تلفين شعرك يعني مو يكون على طول مفلوت لا عشان يخف التقصف اما سويه ظفيرة او لفيه للداخل بحيث تكون اطراف الشعر مخفيه جوه
المهم اليوم الرابع بالنسبه للي مو صابغين شعورهم يحطون الحنه وتكون الخلطه :4ملاعق حنا او حسب طول الشعر ملعقه من المحلب المطحون شويه زيت الخروع وزيت الزيتون ومجموعه اعشاب تلقينها عند العطار(سابله - ماسكه - ساق الحمام) تطحنينها وتاخذيم مقدار ملعقه من كل نوع وتنقعينهم بمغلي شاهي وعلى فكرة ساق الحمام يعطي لون روووعه للشعر لونه بنفسجي غامق بعد اكثر من استخدام .
المهم اخلطي الجميع بالشاهي المغلي وحركيه الين يصير دافي مو بارد بعد كذا حطيه بشعرك لمده 4او5ساعات وللامانه انا احطه نص اليوم بس ما ادري عن باقي انواع الشعر ومدى تحملها لفترة طويله عموما انا شعري عادي
بعدما تغسلينه اتركيه يجف براحته وادهنيه بزيت اللوز ولفيه مثل ماقلت لك
بالنسبه للشقراوات او الي صابغين انصحهم بمغلي البابونج مرة روعه للشعر الفاتح وكل الحكايه الي البابونج وبالقطن ادهني شعرك كله واذا حبيتي اضيفي له المحلب والاعشاب ما عدا ساق الحما لانه يغير الون
وبعد 3 ايام ارجعي لخلطه الزبادي ..ولا تنسون موضوع الفطور تراه مهم وعلى فكرة انا ادوام بعد على حمام زيت بس بزيوت طبيعيه وجربوا زيت النارجين مرة رهيب للشعر
هذى برنامجي وانا متاكدة ان الكل بيستفيد عموما لا تنسوننا من الدعاء بالفرج علينا وعلى جميع المسلمين