الحل معاها..

السلام عليكم ورحمه الله وبركاته.
ياجماعه الخير انا تعبت بمعنى الكلمه صارلي 4شهور وانا مضغوطه نفسياً تعبت صار يجيني صداع وانا انسانه ربي اكرمني بقلب حنون احب الاطفال لدرجه نفسي اتزوج بس عشان يجيني طفل ربيت 4 من اخواتي الصغار وانا جامعيه الحين والحين اختي اخر العنقود الصغيره برضه نفس الشيء اعاملها مثل اخواتي الثانيات عمرها 4 سنوات الحين نارمبسوطه جداً من التعب اللي يجي منهم لان احب الاطفال احب جنانهم ولعبهم الى الان تمام الوضع.
لكن اختي اللي اصغر مني هي جامعيه برضو صار لها 4شهور بالضبط تقولي انتي خربيتهم انتي دمرتيهم انتي وانتي وانا اسمع كلامها وعيوني مفتوحه للاخر من الصدمه ايش فيه ايش صار ؟ اعطتني ظهرها وراحت..
من هذا الموقف وانا لا ليلي ليل ولا نهاري نهار انا وياها بغرفه مشتركه وهذي اللي زادت الطين بله قبل 4 شهور كانت الاختبارات النهائيه الترم الاول ضغطت علي بشكل وانا اعطيتها المجال اعترف صارت اذا بتنام تقفل اللبمه وتشغل المكيف وانا جالسه واطلع واذا قامت وفللت نوم ويجي موعد نومي تسبقني ركض ع الغرفه وتجيب قهوتها وتشغل جوالها وتعلي الصوت وتجلس واذا نمت القاها نفس الوضع ما تتحرك الا اذا بتروح التحفيظ صرت بوقت الاختبارات ما انام الا 2 ونص الا تروح فيها التحفيظ واذا جات سوت نفس الشيء ويطير النوم واروح مواصله.
الشيء الثاني امس حطيت لاخواتي الصغار مكياج لانهم بنات واكبر وحده فيهم بالمتوسط المهم جلست تقول كأنهم شبح وتضضحك بصوت عالي وانا انحرجت واثقه من اللي سويته كان كويس وممتاز كمان بس يمكن لانها مالها بالمكياج والله حتى بالزواحات احط لها تجيني ومره كنت احط لاختي الاكبر مني تقولها خليها تشخمط بوجهك وتضحك ما عرفت ارد عليها المهم راحت المرايه وسوت لنفسها لاول مره وراحت فيه الزواج الناس تطالع فيها وكاتمه الضحكه وعرفت ان ربي ما يطق بعصا بس تمنيت اني رديت عليها بوقتها بس للحين ما اردي ايش ارد.
الشيء الثالث غسلت ثوب ابوي وجلس يدعيلي ويقولي كلام زين تقوله هي مره سوت لك انا سويت لك مرات مع العلم ان ابوي ثوبه دايم يعطيني اياه اغسله . بس عجزت افسر موقفها.
الشيء الاهم لما نكون عند ناس ويتكلمون عن برنامج وتسألني وحده تعرفين المشهوره الفلانيه تسبقني تقول احنا ما نتفرج على البرامج والله اني تمنيت الارض تنشق وتبلعني لو قلت الا انا اتابع هذا البرنامج عند الناس وفشلتها راح يقولون وش هالاخوات ؟
صارت لي اشياء زينه كل الناس باركتلي الا هي رغم اني علمتها وقلت لها استغربت والله.
اذا كلمت احد تجي بيني وبينه بالنص وتسولف معه لين اروح ، نفسي اتعلم ارد عليها وعلى كل موقف بصراحه احس للحين لو تكرر الموقف ما عندي رد ارد عليها فيها مدري هل هي طيبه زايده ولا سذاجه ولا ايش!؟ ايش تفسيركم للمواقف وايش رايكم بعلاقتنا خايفه تسوء اكثر هي اختي قبل كل شيء .