الحل مع اختي وابغا منكم دعوة

السلام عليكم ورحمة الله وبركاته

كيفكم يابنات

قبل يومين صارتلي مشكلة مع زوجي كنت في بيت اهلي واتخاصمنا انا وهو في الجوال المهم انا صرت ماارد عليه عشان هو معصب وممكن يغلط ولا يتطور الموضوع فاتصل على امي وتعرفو الرجال لما يتصلو على الام ينفلتو مظبببببوط و يألفو كمان لو يبغو المهم امي اعطته كلام في العظم ونهينا الموضوع على خير
المهم بعدها بشوي تجي اختي الكبيرة زيارة عند امي والله يهديها امي اتكلمت قدام اختي بس مو بالتفصيل بشئ بسيط
وتاني يوم دخلت على الماسنجر واختي على طول تتهجم عليا تقولي زوجك بروضو بحركاته قلتلها اي حركات ماسوا شئ قالتلي ماما امس قالت قلتلها خلاص رجعت البيت وهدي الموضوع ولا ابغا افتح مواضيع المهم صارت تقول كلام وتغلط على زوجي وتقول انه قرفها وانه زوجي مسرف و مايعرف يجمع الفلوس قلتلها احنا ورانا ايجارات ومصاريف مدارس قلتلها انتو ماعندكم ايجارات ولا مدارس قالتلي زوجك اصلا مايجمع بس يصرف و لما يجي الايجار مايلقى والله يابنات زوجي راتبه يادوب يكفي واحيانا تجينا اشهر غصبا عننا ناخد من فلوس الايجار وانا الحمدلله مااطلب مصروف ليا ولا اطلب الا الشئ الضروري المهم قالتلي انا ابغا افهم انتي ليش درستي وعندك شهادة ايش الفايدة منك قالتلي خلاص اصلا مامنكم فايدة الوقت راح
ايش اسوي كل الوظايف يبغو خبرات وانتو تدرو من فين اجيب الخبرة طيب


بنات ايش اسوي في اختي اموتها ولا ايش معصبة منها
قلتلها اللي ايده في المويه مش زي ايده في النار

بنات ادعولي اتوظف اساعد زوجي والله يرزقنا من واسع ابوابه ونشتري بيت :44: