الحل مع النوعيه هذي

السلام عليكم
خالتي عندها ولد عمره ٨ سنوات الولد معدنه وفطريا كويس لكن خربته التربيه والدلع
مشكلة خالتي اي حركة يسويها ولدها تتعجب ومستحيل تعلمه ان هذا الشي غلط
لو حصل له مشكله مع بنتي تهاوشو لانهم متربين مع بعض وكأنهم اخوان وعلاقتي مع خالتي صديقه وخاله بحكم تقاربنا بالعمر
انا تهاوش بنتي غلط ليش كذا اتركيه خالتي طبعها تهاوش بنتي معي بنتك الله يهديها تعانده الله يعينك عليها
طيب يا خاله ولدك غلط علمي ولدك لا ولدي ماسوى شي هي متسلطه عليه الدرجة اذا صار بينهم مشاكل وولدها غلطان صار يكذب على امه عشان تصدقه على طول
اللي حصل بنتي تلعب روبلكس ومجمعه اشياء ومشتريتهن وولد خالتي دخل على حسابها وحذف كل الاشياء اللي شرتهم وحاس حسابها ماندري شلون قدر يدخل حسابها بنتي جتني تصيح وماعطيتها وجه قلت بزر طنشيه قالت ياماما حسابي وانا قلت وش اسوي خلاص سويله بلوك من كل شي قالت مسويتله ودخل من حسابي حق الروبلكس مدري شلون ياماما شافتني ماعطيتها وجه وقلت طنشي انا اكلم امه بكرا راحت تحاول تقنعه يرجع حسابها وهو معيي ومبسوط انه قهرها قالها بعد عندي صورك بنشرها عند قروب اصحابي كلهم بنتي ذكيه قالت يالله ورني صوري وينهم هي عارفه انه ماعنده شي لانها حريصه قال بعدين بعدين قالت اذا مارجعت حسابي انا عندي صورتك صوره له يوم العيد لابس شماغ وعقال الصوره عاديه ومافيها شي كان مصورها بالسناب بالعيد ولقطت الشاشه بنتي المهم بنتي قالت برسلها لقروب صديقاتي اذا ماطلعت من حسابي الروبلكس الولد خاف وانهار وراح عند امه وابوه يصيح فلانه بتنشر صوري فلانه بتنشر صوري وتدق امه علينا تهاوش بنتكم خوفة ولدي
قلت لحظه لحظه ولدك هو جاي بنتي وماخذ حسابها ويهدد وانا كنت عند بنتي وقلت طنشيه رغم انه مبلكينه بالسناب والواتس وبكل مكان يوم مالقى لها مدخل راح دخل حسابها وهكره ولا ادري من وين ولدك متعلم التهكير انتبهي الولدك وبنتي ماعندها لولدك الا صوره وحده وقلت لها حذفيها واذا فيه احد غلطان فهو ولدك لازم تقولين له يبعد عن بنتي ولا يضايقها المشكله خالتي ماخذه وضعيه الهجوم وبنتك وبنتك وبنتك طيب كيف الولد بيتادب اذا امه سمعها تهاوش كذا وتدافع احس بتدمر شخصيته انا بنتي قدامي غاااافله عن ولدها مادريت عنه ومثل ابليس يجيها بحسابها يقول هيه انا هكرت حسابك وش الحل معاها انا ولدها ماهمني وطفل ويبيله توجيه الام المفروض تعرف تتصرف مع ولدها وتناقشه مو بس تشوف ولدها يبكي على طول تاخذ وضعيه الهجوم دائما هذا طبعها واسلكلها لكن امس مليت داقه تهاوش وتقول جايني يتشكى من بنتك الله يلعن بنتك وتسب رفعت ضغطي واحاول افهمها ولدك غلطان ماتسمع لا وقبل اسبوع بنتي تشتكي الخالتي تقولها يا خاله ولدك اخذ حسابي كلميه قالت لها خالتي يابنتي اي شي يسويه لك ولدي لاتضايقينه بالكلام تعالي كلميني واتس اتفاهم معاه وبنتي جتها واتس تقولها ولاعطاتها وجه خالتي ويوم تدق علي تهاوشني عشان ولدها تقولي قولي البنتك لاترسلي واتس ابلشتني الله يبلشها طيب يا خاله ليش تطقين الصدر وتقولين لها اي شي يسويه ولدي تعالي قوليلي ثم فجئه تقلبين عليها وتقولين لاترسل وش ذا التناقض رفعت ضغطي وشبت كبدي نار رغم انه دائما انا ما احب مشاكل الأطفال تأثر لكن خالتي مخها هو البلى مخها يبيلها اعادة برمجه ولا ولدها ماعليه شرهه يبيله ام تعلمه الصح من الغلط الولد معدنه كويس بس امه تخربه تشجعه يتعدي على حقوق غيره واذا واجهنها قالت محد قالكم تعطونه هو طبيعة ولدي اذا اخذ الشي مايرجعه خلاص لاتعطونه طيب انتي يا خاله علميه ماياخذ شي مو له علميه يرجع الغلط مو منا ولا من ولدك منك انتي