الحل مع بنت اختي بالله لا تطنشو

السلام عليكم ورحمة الله وبركاته

اخ يابنات والله اني ماني عارفة كيف اتصرف

عندي بنت اختي عمرها 10 سنين وضعها امها وابوها مطلقين امها متزوجة وابوها متزوج وساكنه مع ابوها وابوها انسان الله يهديه مرة وسخ لسانه وغير كده كريه يكره الناس ويشوف نفسه عليهم واختي متزوجة انسان خلوق جدا وسبحان الله هو مطلق مرتين وماعنده اطفال ويحب بنت اختي حب مو طبيعي وهي تحبه كمان وكمان قالتها لامها انها تحبه اكثر من ابوها لانه حنون ويحاول انه يرضيها ماشالله عليه
المهم يابنات المشكلة مو هنا المشكلة بنت اختي لسانها طووووييييييييييل مررررررررررة يعني احنا الكبار ماتحترمنا انا خالتها ماتحترمني تستفزني وتعطيني اللسان والرد عندها جاهز على طول وغير كده ماعندها غير كلمة واحدة على لسانه انا اكرهكم انا اكره ولدك انا اكرهك اتخيلو مع انه اتربت معانا لانه امها كانت تخرج من بيتها زعلانه وتجي مع امها من يوم كانت صغيرة يعني السنتين ونحبها موت فقبل فترة قالتلي انه ابوها سوا عملية ورحت باتكلم مع امها وقلتلها راحت بنت اختي تاني يوم تخاصمني ليش اقول لامها تقولي انتي ماعندي شغله غير الكلام وتوصيل الكلام يعني كلام واسلوب زي الكبار
انا طبعا خاصمتها وقلتلها اني زعلانه منها ولا تكلمنا وبعدها خصرتها وكل ماادخل النت ماتكلمني ولما حست انه امها وانا وامي مطنشينها رجعت تاني تتكلم معانا وواحشتيني ياخالة وكلام زي كده قلت يمكن اتادبت ولما شفتها عند اهلي ولا كانه شئ سفاهها على الاخر معانا وتكبر علينا وشوفة نفس
انا طبعا خاصمتها الا امي تخاصمني تتقولي لا تخاصموها سيبوها يبغالها معاملة خاصة يبغالها تطنيش بحجة انه وضعها غير انه امها وابوها منفصلين قلتلها ياماما بدي الطريقة انتي بتقويها علينا ماتحترمنا والموضوع صار عندها زي الحلاوة يعني تهزئنا ونطنشها ترجع تكلمنا انها ندمانة وترجع تاني مافي فايدة

الصراحة احنا تعبنا معاها يابنات انصحوني ايش نسوي معاها تعبببببببببنا قد مااقول تعبنا ماتتصورو والله يابنات الاسبوع اللي تجي فيه بيت اهلي اشيل هم ولما ماتجي صرت ارتاح اتخيليو لدي الدرجة