الحل مع زوجي!

من جاء رمضان ومن قبل رمضان اصلاً زوجي اغلب اكله يا مع اصحابه يا عند اهله وانا وبنتي نسوي لنا اكل وهو يروح مع اصحابه لين الفجر وكل يوم ع الحال حتى برمضان يفطر في المحل حقه هو عنده محل يبعد عن البيت دقيقتين ويفطر هو وعامله واخوياه وبعدها يجلسون حلا وقهوه وشاهي وماعاد يجي البيت الا بعد السحور يتسحر عند اهله مايقولي اطبخي ابد انا اتسحر ياعند اهلي يا بالبييت او مع بنات عمي واذا براسه شي يعرف البيت ويجي بدري المهم وانا مخليته ع كيفه واذا قلتله تعال بكلمك يجي وهو واقف بنص الصاله يقول يلا قولي اللي عندك ويكون مستعجل حتى لو فطر بالبيت ياخذ من اهله ويفطر ولو سويت فطور ينتقده صرت اسوي لي ولبنتي اللي يكفينا حتى بالجوال مابينا شي الا جيب معك وهات معك هو مايقصر ع البيت كل شي موجود يوديني السوق ويعطيني فلوس وطيب معي بس احيان ودي لو نجلس بعد المغرب فالبيت ونسولف نتابع مسلسلات مليت كل الوقت لحالنا الزبده اليوم العصر دقيت عليه قلتله ودي افطر بمطعم هندي وخاطري فيه من اسبوعين قال اطلبي او انا اجيب وكليه بالبيت قلتله مو مثل لما تاكل بالمطعم وتغير جوو قال بعدين اكلمك وانا اللحين مشغول افضى وادق وماعاد اتصل لين باقي للاذان عشر دقايق وجااء وقال يلا اوديك ورحناا وفطرنا وعادي الوضع وبالطريق الرجعه قال تعبان ومزكم قلتله بترجع للبيت؟ لان اعرفه اذا كان تعبان طول الوقت بالبيت قال لا بروح عند اخوياي اتقهوى قلتله وبالبيت ماتتقهوى؟؟ قال تكفين لاتبدين انا ابي اروح عند اخوياي واتقهوى واسولف معهم قلتله طيب وفي البيت مايصير سوالف وقهوه ولا بس عند اخوياك قال مابي اتكلم وصد ورد قلتلك بروح عندهم خلاص قولي روح قلتله وش قلتلك اللحين طيب اتكلم عادي وانت مو متحمل مني كلمه قال وديتك المطعم كله عشان ارتاح من كلامك لان اعرفك بتجلسين كل شوي تقولين ماوديتني وكل شوي تذكريني انا حزت بخاطري جالسه اكلمه عادي وهو مايتحمل مني كلمه ويبي الفكه وبكيتت بصمت وقلتله متى منعتك من اخوياك ولا قلتلك لاتروح لهم انت طول الوقت معهم وتاركنا لين الفجر ماهي عيشه هذي انا ماني مرتاحه ولا عاد ابي هالعيشه قال هذي جزاتي موديك مطعم وبدل ماتشكريني تقوليلي كذا وانا لا احب المطعم ورحت وتركت اهلي اللي عازميني عشانك انا استاهل اللي ماقلتلك لا وخليتك تسوين فطور ادور رضاك وانتي كذا قلتله قهرني كلامك وانا اسفه حاولت اهدي الوضع وهو يقول خلااااص انتهى الموضوع وانا استاهل وانا ماعاد بوديك مكان قلتله خل نتفاهم انت حتى التفاهم ماتتفاهم قال لا وروحي مكان ماتبين قلتله وين اروح قال البيت ونزل عند اخوياه ومطنش رسايلي واتصالي وانا والله تعبت منه احسه مايبيني ويبي الفكه مني بس مو عارف يقولها وانا مو قادره اطنش مثله وش الحل