ماشوف ان عندك مشكله
معليش بس تفااهه وخرابيط
ابي اسافر ومدري ايش طيب اذا سافرتي الشرقيه عاد الله اكبر وشفيها زود
بس الصراحه الصراحه ماعندك ماعند جدتي سفر ومدري ايش واكل من مطاعم
شوفي مشاكل القسم والله ان يشيب راسك واحمدي ربك سوياي مشكله من لاشي خلاص يمفي دلع وسفره جوا المملكه تسميها سفره معليش السفر اللي جوا المملكه تافهه واساساً مافيه شي قالت الشرقيه قالت احمدي ربك ان زوجك يحترمك ومايخونك لاتخلين تفكيرك سطحي

احمدي ربك المفروض انتي تساعدينه وتساندينه لين يامن بيت الملك وبعدها راح يروق وراح يفضى وراح يرجع يسفرك زي اول
الخنقه والضيقه اشغلي نفسك بنفسك ومع عيالك ولاتكونين هم عليه زود ع هم الشغل والبيت
اطلبي منه سهره ليله وحده ببيتك ويجي بدري للبيت
وخليه كل اسبوع او كل شهر مرتين غيري جوك ببيتك
وخلي فكرة بيت الملك براسه وسااانديه
وحطي ببالك انو يسوي كيذا فعلا عشانكم جميع انتي والعيال وهو

اصبري

هاذي مو مشكله زوجك يبي يأمن لكم حياتكم

راح ترتاحين بعدين إن شاء الله وتسافرين بكيفك

الله يسخركم لبعض ويسعدك يارب

موفقه

عادي ياروحي وراك مكبره الموضوع؟ عارفه والله انها صعبه الحبسه في البيت وشينه وتجيب ضيقة الصدر لكن اذا فكرتي انها فترة وبتعدي ان شاء الله ترتاحين,,احنا ابوي قعدنا حوالي 3 او 4 سنين يوم نبني بيتنا ماسافرنا ولارحنا ولاجينا وفعلا كانت ازمه ماديه بشكل لايتخيل! ومازلنا الى الان في هالازمه بسبب الديون,,لكن الحمدلله ارتحنا ببيت ملك وكل ماقلنا له بنسافر قال اصبروا علي اسدد ديوني واسفركم ,,صدقيني مو نجاسه بزوجك او عباطه بس يبي يأمن مستقبلك انتي وعيالك ,,ماتدرين وش الله كاتب بكره,,,لكن بعد عمر طويل لو يصير له شي او يصير لك شي يكون عندكم بيت ملك يمديك تتصرفين فيه ,,حاولي تكلمينه بهدوء عن الدار ,,قولي له عارفه اني اقدر احفظ القران في البيت بس ودي اطلع اشوف الناس واحفظ معهم ونتعاون ع الخير كلنا ,,اقلها تروح ضيقة صدرك ,,واختاري وقت زين تكلمينه فيه مو وهو مضغوط ونفسه بطرف خشمه ,,واستغفري استغفري استغفري استغفري وبتتييسر لك امور ماتتخيلينها ,,لاتحقرين الاستغفار ابد,,

ربي يسخره لك ويوسع صدرك وصدره بالعافيه ياروحي ويخليلك عيالك ويرزقك برهم ^^,,

بالعكس زوجك ممتاززززز يفكر لقدااام والمستقبل خليه يبني بيت ملك مو احسن من ايجار وكلمة ادفع والا اطلع

زوجك ماينلام الايجارات والغلاء في المعيشة والمستقبل يحتم عليه يتلاحق عمره ويجمع فلوسه ييبني بيت وهذا شي طيب والمفروض يفرحك مايزعلك ساعديه وشدي من ازره مو تزعلي
وصدقيني لاانتهى من التزاماته وحقق لكم بيت العمر بترتاحون وبيرجع زي اول واحسن ولاحقة ياقلبي عالسفريات وغيرها اهم شي الان تحقيق الضروريات وبعدين الكماليات الرجال يبغى من يعينهه