الحل مع سلفتي كرهتني عيشتي

عندي وحده من سلفاتي فعلاٍ اعاني منها وكرهتني عيشتي
طبعاً افهمكم كل حاجه عني وعنها وانتم احكموو
انا يابنات متزوجه من 11 سنه وعندي 7 عيال
وهي متزوجه من 4 سنوات مامعاهـا غير بنت وحده
وكيفها لكن مشكلتي معاها انها دايم تتريق عليه
بخصوص انه عندي وراعين كثير وانه تقولي وش تبين فيهم بتحاربين فيهم ويعننها تمزح وتتريق انه الرجال يشرد من زوجته الي وراعينها كثار وانه انا وشلون اروح فنادق مع زوجي واني ماقدر علشان وراعيني
حتى بزوجي انه مايبي وراعين تتريق انه زوجي يشتكي من الصجه حقتهم وانا فعلاٍ زوجي يهرج عند اخوانه
وطبعاً ماهوو انا لحالي اعاني حتى وحده من سلفاتي عندها 5 اطفال كمان حتى هي تطقطق عليها
وتبي تفهمنا انها هي ماتبي تجيب وراعين غير بنتها الى ماهي تقرر
وانه زوجها بشوارها لدرجة انه تآكل الموانع قدامناء يعني شوفوني مابيوتاجي
تتمدح بجسمها تلبس من هذي التيشرتات الي نص البطن طالع وانه هي رشيقه
وانه حنامايمدي نلبس كذا قمت قلك علشان البطن
رديت عليها قلت لها تراء المراه لها عمر محدد وبعدها ماعاد تحمل تقطع
قامت تضحك بصوت عالي وتقولي تراء انا باقي ابي من يربينيعلماً انها كبيره عمرها 22 يعني ماهي بيبي
وتتهمني انه انا كل ماواحد من اخوان زوجي يتزوج على طول اروح احمل علشان اناحر العروسه الجديده اذا بتحمل مايكون لها الجوو
لانه اهل زوجي يموتون بعيالي عكس بنتها
واذا شافت اهل زوجي جابوو لعيالي هدايا تقوم تقوول تراء ذولي امانه الي مو قد الخلفه والمصاريف لايخلف لانه انا ساكنه عند اهل زوجي وزوجي راتبه قليل وماطلبتها شي
وانا صراحه كرهتها مره مره اسلوبها غلط ومستفزه
وافكر اخلي زوجي وزوج سلفتي الثانيه يكلمون زوجها يتزوج علشان يخلف ويكون له عزوه بدنيا هذي
علماً انه زوجها كبير بالعمر 38 سنه
لكن زوجها هذااستغفر الله احسه ماهوو رجال يتمدح بزوجته قدام اخوانه والاغراب
انه يحبها وانا تسوى الجماعه كلهم
علماً انه وربي تنافخ عليه وخلته يترك حتى الاكلات الي كان يحبها قبل مايتزوج ومخسرته
حتى رقم جواله خلته يغيره
وهوا مره وراها لدرجة انه اذا كانت في بيت عمي وجبة يتصل عليها يتآكد اذا اكلت او لا
وشغلات كثير حتى في الاماكن العامه اذا قابلناهم بالغلط نشوفه ماسك يدها قدام الناس
علماً انها فعلاً ماتحشمه حتى دايم تقولها قدامنا مو انا الي اخلي رجال يحكمني وتنافخ عليه
وسلفتي تقولي انه مره شافتهم من وراء الشباك العاكس
بالحوش حقنا كانو يمشون هي وزوجها انجرحت رجالها بقزازه جرح سطحي وقام نزل وباس رجولها يحسب المكان فاضي وسلفتي شافتهم