اخلطي شويه حليب سائل مع 1بيضه وغمسي فيها السمبوسه وبعدين تبليها بالبقسماط

وقليها ..

الله يبلغنا وإياكم رمضان ويجعلنا من المقبولين يارب

أختي لا تحطي خميرة على العجينة
عندي في البيت ما يفضلوا الرقاق الجاهز فأعمل سمبوسة عجين ونفس العجينة من سنين والحمد لله ما تشرب زيت
وأعمل مقدار ثلاث أيام أو أربع واحطها بالفريزر وبعد التجميد تصير مقرمشة أكثر

هذه مقاديري وهي كمية كبيرة
5 كاسات كبيرة دقيق أبيض - 2/1 الكأس زيت - ملعقة كبيرة ملح وملعقة سكر مطحون - ماء دافيء العجن
مقدار الماء غير محدد مثل ما لاحظتي يعني تعجنيها بالماء الدافيء حتى تتكون معك عجينة قاسية نوعا ما ( وهذا سر القرمشة )لازم تكون العجينة قاسية في يدك وغطيها واتركيها ترتاح نصف ساعة ..
السبب في عدم تحديدي لكمية الماء لأن الدقيق يختلف من بيت لبيت فالدقيق الكويتي خفيف ويحتاج ماء أقل وبكذا يختلف عن الدقيق السعودي المضاف له نخالة والدقيق من المطاحن ..

سخني الزيت لدرحة معقولة وحطي حبات السمبوسة فيه وبملعقة شربيها بالزيت وقلبيها باستمرار حتى تتحمر من الجهتين
لو السمبوسة في الفريزر خرجيها قبل القلي بوقت كافي ممكن ربع أو ثلث ساعة حسب حرارة المطبخ عندك ..

إن شاء الله أكون افدتك وكل عام وانت بخير

حبيباتي انا كنت اعاني من هالمشكله بس الحمدلله الحين صار لي اكثر من 3 سنوات مرتاحه على السمبوسه
اول شيء توصلت الى عجينة دلتا الا بالزيت
ثاني شيء المقلى الا استخدمه بس امسح الزيت على وجهه وبس يحمى الزيت
احط السمبوسه واقلبه 5 دقايق بالكثير ويكون جاهز طبعا لازم اخفف على حرارة القز
ماراح احتاج زيت كثير عشان العجينة مزيته
والاهم ان عجينة السمبوسه مستويه بس تحمير
لما تشيلها من المقلى في صحن عليه ورقة وحده كلينكس تكون كفاية
ولو تجربون تسوون السمبوسه بالشوية حقت التوست او المشاوي تطلع رهيبه
اتمنى اني قدرت اساعدكم

وسلامتكم

جربي رقاق السنبله مع طرق الاخوات بالقلي جدارائعه

سخني الزيت واذا سخن وصار حامي اقلي السمبوسه