الحل مع قريبتي ؟؟

السلام عليكم
نفسيتي تعبانه يابنات
انا عندي اخت انا وياها مانتشابه
هي ماشاء الله احلى
انا ماهمني ولا كنت افكر بالموضوع
مع اني بنهاية العشرين وعمره ماحد تقدم لي
لاكن انا حاطه ببالي الزواج نصيب
ماله دخل
لا الجمال ولا المال
لاكن بعد ماوصلت اختي العشرين خاصه
عائلتنا
كلن صار يتغنى بشكلها وياحلوهاً وماطلعت عليكم
طالعه على مين كنت اطنش اطنش
لاكن فيه بنت من قرايبي
بنت عمي
متسلطه علي من لما كنت بزر تكرهني بدون
سبب من انها احلى مني ومتزوجه
يعني انا المفروض اللي اغار منها
تخيلو يمين بالله انه مستحيل مستحيل
اطلع مع اقاربي او بمكان هي موجوده
ماتجيب طاري ان اختي احلى مني
واني ماشبهه واني ماكاني اختها
وان اقاربها بنات خالها منهبلين يقولون كيف
فلانه هااذي الحلوه اخت فلانه
كذا تخيلو بوجهي تقوله وبابتسامه
شفتي صديقتي امس شافت اختك
وانهبلت تقول ابد مايتشابهون فلانه مره حلوه
عكس اختها تقصدني
والله ثم والله ان السالفه لها خمس سنوات
حتى قدام امي تتكلم هالكلام بتحسس امي
اني شينه وان اختي اللي تستاهل الحب والدلع
والله مره قالت قدام امي مرت خالي
شافت بنتك فلانه انهبلت عليها
تقول وش هالجمال
ماتشبهه لاختها فلانه ابد
بعدين مثلا نتكلم عن العائله وكذا
مع ان يابنات لاحظو عائلتي فيها كثير
خوات نصهم حلوات ونص لا ونص مايتشابهو
بس بحياتها جابت سيرتهم
واولهم بنات عمتي ماشاء الله٨ بنات
وكل وحده شكل غير فيهم الجميله والعاديه
والبيضاء والسمراء لاكن بحياتها علقت وقالت
فلانه اجمل خواتها
او فلانه ماتشبه لخواتها
انا عارفته كارهتني والغيره فيها مني من يوم
كنت بزر صارت لي مواقف وانا بزر منها
مالله به عليم
اجل تقولي اخر مره بالطلعه
عندي احساس قوي ان اختك فلانه بتتزوج قبلك
ورجل يطير بها بعد!!
والله كرهت اجتمع من اقاربي منها
تعرفون الاسلوب الناس يصيرون يصدقون
ويبدون يدققون وهي تبي الشي هذا