اطلعي منها وتنحل

راعوا ان الادمية تتوحم !
ما كأنكم نساء !
فعلا المرأة عدوة نفسها .


استغفر الله وسبحاان الله

استغرب من بعض الردود هجوم على البت اهبن ماتنصحون بالزين

أنا من ضمن الحزب الي يقول لك لاتتدخلون فيهم إطلاقا,, حرام تشيشون اخوكم وتكبرونها في راسه وتخلونه يفكر بالطلاق والحرمه الحين حامل
بكيفها هي وزوجها تقنعه يطلعها برا بشكل مستقل تقنعه يمشي لها مصروف زياده تقتصد في مهرها وتشتري من فلوس زوجها تقنعه يوديها لاهلها كل يوم كل هالاشياء مالكم دخل فيها اطلاقا يمكن هي ترضيه في الفراش وعلى قلبه زي العسل انتم وش دخلكم


اياك ثم اياك تكونين سبب في تحريض او ايغار صدر امك او اخوك عليها ترى الدنيا دوائر وانتي عندك بنات يمكن وتتمنين لهم الخير
وتتمنين لهم عيشة كريمة ,, اخوك رجال فاهم وواعي باللي له واللي عليه مهوب بزر علشان تشوفين له وش المطلوب ووش اللي موب مطلوب
لاحول ولا قوة الا بالله ,, اكثري من دعاء اللهم اصلح ذات بيننا وقنا شح انفسنا ولاتجعل للشيطان علينا سبيلا