الحل والمفتاح البسيط للشرخ الشرجي

السلام عليكم ورحمة الله وبركاته ..
الموضوع مثل ماهو مكتوب بالعنوان ، الحل ذا انا مجربه على نفسي وعلى الحاله الي انا فيها فما اضمن شده الشرخ عندك اذا تناسب طريقتي او لا، فاقول لكم كل شي بالتفصيل..
حدث معي الشرخ برمضان يوم ٢ ميلادي كان في امساك ماكان في الم كثير يثير للشك كان يزول اول ما اطلع من الحمام .. اليوم الثاني تكرر نفس الالم بعد الحمام وطبعا من الامساك .. وكان المرة ذي ساعه بعد الاحمام ويختفي الالم.
اهملتها واليوم الثالث والرابع بدا ياخذ ساعتين الم بعد كل حمام فبحثت بالنت شفت حلول كثير من احواض مويه وملح ومراهم ونيوهيلر ... سويت الاحواض بس مرتين باليوم كان يعطي راحه من الالم بس مايصلح المشكله ..اكلت الياف واشرب مويه كثير ما نفع ... قررت اروح للدكتور بعد اسبوعين ... كشف علي وقال عندك شرخ بسيط وصرف لي مرهم ومسهلات استمريت عليهم ومانفعوا الحبوب جابت لي المغص والام بالمعده بالليل بس استمريت عليها ..ولا نفعني بالنهاية..
بكذا مر ع الشرخ شهر واسبوعين تقرييا والالم صار ياخذ يوم كامل !!! وينزل خراج ودم وقرف الله لايوريكم... لين ما جت براسي طريقه ان استخدم الحقن الشرجيه ... وهنا اقول لكم الحل ....
1- تحتاج علبه فارغه حقت الحقنه الشرجية
2-فازلين
3-قطن
4-ديتول
اول شي تسويه تعبي علبه الحقنه الشرجيه بمويه دافيه او معدل حراره الغرفه .. استخدم الحقنه مره بالصباح او اول ماتصحى من النوم ومره بالليل حتى لو مافيك شي استخدمها ...وكمان استخدمها كل مره تروح الحمام يعني احقنها بمويه واصبر ٢٠ ثاميه واضغظ ورح يخرج البراز بسهوله بدون مايجرح الشرج...... بعد كل حمام خذ قطن وبلله مويه وحط ديتول وامسح الشرج عشان تطهره وتساعده ع الالتام .. وبعدها غسله بمويه ونشفه بالمانديل وادهنه بفازلين(عشان المنطقه مايصيبها جفاف مثل ماصار معي) ... الديتول استخدمه يوم اي ويوم لا ... بس باول اسبوعين..
انا لما بديت فيها الالم راح من ثاني يوم وبدء الالم ع شكل حكه والحكه اختفت باليوم الي بعده... استمريت عليها شهر ونص .. فكنت خايف اتبرز من غير الحقنه ...لين جا يوم اضطريت فتبرزت ماكان في اي الم وعرفت اني تشافيت والحمدلله..
ملاحظه مهمه : المويه والالياف مهمين جدا لا تتعب نفسك بهالطريقه اذا ماتاكل فواكه او ع الاقل حبوب الياف ..واشرب مويه كثير كل ساعتين كاسه ع الاقل .
انا مو من النوع الي يكتب وينشر .. كتبت لكم الحل لاني عارف ان هالالم يضيق خلقك ويخليك بالم طول اليوم ماتقدر تمشي ولا تجلس زي الناس ..فحاس فيك لاني كنت زيك فحبيت اساعدك واصخر وقتي لهالموضوع وانا بتواجد عشان ارد ع اي استفسار وكل الي ابيه دعاء من قلب ان يحميني من هالشرخ ويوفقني بحياتي واهلي ويزيل همومي ويبعدني عن الظالمين.