الحل يابنات مع الرجل البيتوتي

السلام عليكم
صبحكم الله بالمسرات
حبايب قلبي ابي حل للزوج البيتوتي كيف تتعاملون معه
كيف ادمجه مع المجتمع لاني والله تعبت
زوجي24 ساعه متقابلين لبعض
من الدوام للبيت ومن المسجد للبيت
تعبت مااروح ولا اجي ولا زيارات ولا طلعات حتى المكالمات مااخذ راحتي اذا بكلم امي او اخواتي مااقدر اكلمهم
ولا اهتم بنفسي ولا اطفالي
استانس اذا طلع لو نص ساعه من البيت بس يصير فيها مكالمه
نظامه تطلعين معي وتجين معي مافي مجتمع تحتكين فيه ولا جيران ولا اهل
😢😢😢 متخلين اننا عايشين مع اطفالنا معزولين عن الناس
حتى اهلي اذا رحت لهم يكلمني عندهم بالساعات اذني صرت مااسمع زين بسبب مكالماته
اقسم بالله اهلي يطفشون مني اجلس عندهم بس خمس ايام نصها يروح بالمكالمات ولما يدق وماارد تروح مشاكل
يروح لاي مكان سوا مراجعات او دوامه يكلمني بالساعات يعني بمجرد ماافرح انه طلع من البيت الا يدق ع الجوال
حاط في راسه انتي كل شي بالنسبة لي
انا مليت منه ومن طريقته احس اني مخنوقه
من جد ابي حل
الي ازواجكم بيتوتيين ومالهم اصحاب نهائي وعيالك صغار كيف تتعاملون معهم
لا تقولين اجلسي معه وفهميه جلست معه وتناقشت معه وفهمته بس مو راضي يتغير طبعه