الحمام المغربي .. تجربتي ^_^

بسم الله الرحمن الرحيم



السلام عليكم ورحمة الله وبركاتة





كيفكووون يا جــــميلات عالم حــــــواء



اليوم راح أكتب لكم تجربتي الثانية مع حبيبي اللي مالي غنى عنه ...



( الحمــــــــــــام المغربـــــــــي )





راح أقولكم بالتفصيل كيف بدايتي معه ..



كانت بشرتي ملونه ومناطق سمراء جداً وقشوووور مررره



وبعض مناطق جسمي الشعر ينبت تحت الجلد ويصير كأنه بثور!!



والخلطات استخدمها ولاااا فيه أي نتائج !!!



يعني أغلب المشاكل اللي عند البنات ..



قلت لازم ألقى حل لكل مشاكل بشرة جسمي ..



ولما دورت عن سر صفاء بشرة السوريات والمصريات والمغربيات الجميلات كان من أسرارهم (الحمام المغربي)



.....



الحمام المغربي من الأساسيات يتحممون مره أو مرتين بالأسبوع



ودورت طريقته ولقيتها ســـــهـــله مره وأي وحده ممكن تسوية بالبيت مولازم نجيب مغربيه او متخصصة تسوية ...



أولاً: نحتاج خيمة ساونا قيمتة 250 ريال .. وهذي صورة اللي استخدمه ..








ثانياً: نحتاج صابون الطاووس المغربي العلبة الصغيرة قيمتها 10 ريال.. وهذي صورته ..








ثالثاً: نحتاج الليفة المغربية .. أنا أشريها بـ 5 أو 10 ريال من العطار ..وهذي صورته ..







..............



ألحين نجي للطريقة ..





تنفخين الخيمة وتشغلين البخار



وترمين كل ملابسك ودايركت عالخيمة (البخار متعة وااااو)



تجلسين بالخيمة 15 دقيقة بالضبط مو أقل وحد أقصى 20 دقيقة مو أكثر



وتطلعين من البخار دايركت عالحمام تبللين جسمك بمويه دافيه وتفركين جسمك بالصابون المغربي بيدك طبعاً (لاتقربين للوجه) وتفركين وتفركين الى ما يتكاثف رغوة الصابون على جلدك وتحسين صارتطبقة تخلينه على جسمك تقريباً 5 دقايق ( وخلال الخمس دقايق افركي الجسم بيدك عشان الصابون يتغلغل بالبشره ^_^ )



وتشطفين جسمك عدل من الصابون لا تخلين أي أثر للصابون وبعدها تنشفين جسمك من الماء عدل



نجي لليفة ( قبل تبدين الحمام أغلي الليفة بالماء 5 دقايق عشان تضبط لازم غلي)



وابدي بالتلييف بشكل دائري (بصراحة انا اليف بشكل طولي يتعبني الدائري) وتضغطين على جلدك عشان تطلعين الجلد الميت وبعض الأماكن بشويش زي الرقبة وأي جلد رقيق عندك عشان ما يتسلخ ويقلب أسود ( إستعيني بأختك ولا بنتك لتليف ظهرك )



عاد عند التلييف تشوفين البلاوي تطيح الجلد الميت يبرم ويصير زي الحبل >>>ههههههه الوصف متعوب عليه



ولونه مايل للرمادي .. ترى هذا الجلد الميت لا تنخرعون



بعدين غسلي جسمك عادي مثل كل مره



بالأخير أشطفي جسمك بماء بارد عشان المسام يقفل



أنا بالصيف كنت افرك جسمي بالثلج





بالأخير حطي مرطبك المفضل واستمتعي بالنعومة واللمعة.. بعد عدة مرات لاحظت أن جسمي توحد والخطوط السوداء الي بجسمي كلها راحت .. ومن بعد أول حمام طلع الشعر وراحت النقط السوداء



طبعاً انا الحين مدمنة حمام مغربي .. أسوية مره او مرتين بالأسبوع



ولله الحمد لون جسمي موحد والخلطات صارت تجيب مفعولها وجسمي نااااااعم ويلمع من النظافه <<< من جد شعور ممتع جربوه



انااسوي سيروم للجسم بالبيت مررره حلو يرطب ويفتح وريحته جناااان وأستخدمة بعد كل شور >>>>بس ماراح أقولكم ألحين أشوف تفاعلكم معي أول وبعدين انزله بموضوع مستقل .....


وطبعاً كالعادة بإنتظار أستفساراتكم يا جميلات ...