ام هوبي ...جزاج خير مثل ماقالوا البنات حطيتي ايدج عالجرح....
انا عمتي ماعرفتلها...هي اول ماتشوفيها الكل يقووول طيبه ومايخصها في احد... واتقربتلها كثير بداية زواجي لين قريب.. بس للاسف.. اتخيلوا من اول ماتزوجت وهي وبنتها الكبيرة يحشوا في حرمة الولد الكبير(مب ولدها من زوجة سابقه)..وفي حرمة ولدها الكبير...حتى اني كرهت حريم العيال في البداية وحسسوني انهن يغارن مني وكل وحده منهن بغت زوجي لاختها... بس عقب يوم سافرت اخت زوجي الكبيره.. وبديت اتقرب لحريم العيال شفتهن طيبات وفي عالم ثاني..صح عمتي عندها ضرة في البيت ..وطبعا هي بعد تكرهااااا مووووت بس هذه مابدخلها في الموضوع لانها طبيعي ضرة..
اللي قهرني ان عمتي ماتعلق جدامي..كله من ورى ظهري عند عيالها وبناتها واشوف زوجي ينقلب علي مرات.. مع اني اول ماتزوجت اشد على زوجي واضاربه عشان يطلعهم بس للاسف كم مرة يقولن يبن يطلعن وعقب ما اضارب زوجي واتعب صوتي ..والبس ويقول يالله القاهن كل وحده متمددة وغيرت رايها:(.. مب يفقع المرارة..تبت اللي تباه يطلعها اقولها كلموه احسن..
والمشكلة حاسبين على دخلاتي وطلعاتي معاه.. لين ماخلاص بالغصب يطلعني..حتى صار يقولي طلعه في الشهر بوديج تتمشين او تشترين اغراضج وبعدين بمر بج عند اهلج تباتين عندهم؟؟؟ مب ظلم هذا... واهم والله يطلعون وعندهم اثنين شباب عزاب في البيت من عيالها.. ومع هذا ليش نطلع ومانخبرهم.. وليش اشتري كله غالي.. مع انه والله مب غالي وسط واللي متعوده عليه من بيت ابوي مع اني عند اهلي كنت اصرف اكثر بس قلت اراعي زوجي.وخاصة اخته من اخر مرة جت عندنا وزوجي انقلب 180 درجة علي..كله يقولي انتي مبذره ويحاسبني على اي طلعه مع انها كانت معاي عادي وماتتكلم جدامي بشي او اني غلطانه وكنت اشوفها صديقه واراعيها واحاول اساعدها في مشاكلها..
وهالكلام كله يقولونه من ورى ظهري ولزوجي..وجدامي ملائكة ولا كانهم قالوا شي.. ولا بعد انا حسوده كله احسد.. حتى ولدهم المراهق ماشالله قام يتحرك زيطلع..طبيعي يضعف..قالوا حسدته:( والكلام من وراي... واي شي يتغير في زوجي انا السبب فيه..وهو يسكت مايعلق..والله الحين مبتعد عني بشكل مب طبيعي من الناحية العاطفية وتوي راده من عند اهلي اقول يمكن ينصلح حاله... الحين احاول اني ماقرب منهم وايد..بس فترة الظهر اطلع عندهم اطبخ الغدا وبسسسس..مع هذا مب عاجبهم اونه حابسه ولدي ومجوعتنه مع ان عندي ثلاجة وسخان.. واني ماحب الناس؟؟؟؟ وقبل والله يا ام هوبي احط ولدي واقعد عندهم الظهر وارد العصر لين العشا اقعد..وولدي اخليهم يلعبوا معاه عادي.. قالوا اني كله ارمي ولدي ومب سائله فيه؟؟ والحين حبسته منهم؟؟؟ ماعرفتلهم
بس اسلوب المواجهة نفع لان اخر مرة اتضاربت مع زوجي وبغت تتكلم عمتي قلتلها ارجوج بس كافي غيرتوا زوجي علي..ومن رديت اشوفهم كله يضحكونلي ويتغزلون في اللي اسويه؟؟ مع اني اعرفهم من وراي هااااات يااااحش
والله نفسيتي تعبانه يام هوبي..المشكلة مب فيهم..المشكلة في زوجي علاقتنا جدا صارت سطحيه بسبب زعل عمتي من وراى...والمشكلة لو قلتي اتناقشيها والله بتنكر انها زعلانه وبتزعل اكثر بعدين لانج سالتيها...حرمة ولدها صارلها هالشي.. وزجي ماعرف كيف اتفاهم معاه لان فيه طبعهم ينكر ومايعترف باي شي مع انه هو اللي يخبرني بكلامهم ولما اذكره ينكر هالكلام..
ادري خربطت الكلام وايد بس والله من الضيقه اللي بصدري يا ام هوبي عسى الله يفرج عنج ولا يبليج بهم ابد

اختي غمزة عين اقول لج حل يريحج بعد اذن اختي ام هوبي لاني جربت هالشي مع زوجي انتي لما امه تطلب اي طلب لا تتدخلين ولا تقولين شي ولما تشوفين زوجك متضايق اسكتي وحاولي تخففين عنه وتطلعينه من الضيق اللي هو فيه طبعا هالشي بحركات الحريم اللي اكيد انتي عارفتها يعني سولفي معاه اضحكي سوي له جو حلو واذا جاب طاري الموضوع قولي له معليه حبيبي هاي امك شتسوي يعني صدقيني بعدين بروحه بياخذ موقف يعني الرجال دايما يسوي العكس ساليني انا لما كنت اتضايق واعلق يسوي العكس مع انه يكون توه يشتكي ويتأفف تقولين يعاند او يحس بالذنب ولما قمت اسكت واخلي نفسي عادي واقعد بس اتفرج قام هو واتخذ هالموقف مع اهله وصار مايسوي الا اللي يقتنع فيه حتى اخر مره امه طلبت منه طلب غالي وكانت قبلها بيوم بس طلب منها طلب بسيط جدا ولا رضت تنفذه او تخلي حد من عيالها يسويه ولما طلبت قال لها بالحرف الواحد انا ماعندي اذا عندج هاتي وبجيب لج واذا ماعندج انا ماعندي فلوس حق هالاشياء اللي مالها داعي
وبعدين حاولي انك تدخلينه في جمعيه او تتفقين معاه انكم تسوون حساب توفير كل شهر يتحول مبلغ من راتبه في هالحساب وانسوه عشان تقدرون توفرون لكم شي وانا اشوف الجمعيه التزام اكثر وبتخليه يلتزم فيها لانه فيها ناس ولازم يدفع ومن تخلص جمعيه دخليه في الثانيه
انا ماخذت شي من زوجي الا بهالطريقه اما سالفه الزعل والتأفف والضيق صدقيني ماتجيب اي نتيجه
والله يوفقك حبيبتي ويسهل لج


وحبيبتي فلانه بنت فلان انتي ليش معوره راسج سوي اللي يريحج ويناسبج ولا تبينين ابدا انج متضايقه او مهتمه باللي يسوونه ترى في الحالتين كنتي معاهم او بروحج راح يتكلمون يعني مهما سويتي بعد بيتكلمون ويحاولون انهم يمللون عليج حياتج نصيحه البسيهم وخلج في نفسج وولدج وزوجك بسسسسسسسسسسسسسس وحاولي تكسبين ريلج ولا تيبين طاري اهله لانه واضح انهم غاسلين مخه واذا انتي تكلمتي عنهم عنده بالشر او تضايقتي بيقول صج هاي ماتداني اهلي وبيقلب ضدج حتى لو ماكنتي غلطانه بس انتي لا تهتمين ولا تجيبين طاريهم لا بالخير ولا بالشر وركزي على زوجك تراه ان كان بصفك هم بيتعبون وبيملون وبيشوفون انه مافي فايده من اللي يسوونه بس اذا كان معهم ضدج راح تخسربن بيتك وراحتج خلي التعامل معاهم سطحي ورسمي ولا تطيحين الميانه معاهم خلج رسميه وشوفي كيف بيتغيرون وقللي من قعداتج معاهم واذا وصل لج اي كلام منهم طنشيه ولا تردين على احد

الله يبرد على قلبج اختي غرشوب رعبوب...
وانشالله بسوي اللي قلتيه الطناش وبديت فيه وتقليل القعدات.. وانشالله بحاول اسكت عند زوجي واركز عليه..لانحنا بدينا صفحه يديده انشالله ويارب يصلح بينا...

ادعولي..
وعسى الله يوفقج اختي ويصلح امورج دنيا واخره يارب

أختي غرشوب الله يعطيك العافيه على هالنصيحه الطيبه وأن شاء الله بطبقها من اللحين وأشوف ردة الفعل لانه دايم يقول انتي دايم تعبين راسي على أهلي والله يصلح الحال يارب العالمين

مشكووووووووووووووووووووووووووووورات على الثقه حبايبي والشمر ايضا موجه لغرشوب والله مشكوره انكساهدتيني لاني والله كنت مشغوله بظروف وماقدرت ارد بس يادوبك شيكت على الموضوع وطلعت