الحمدالله استقلت من وظيفتي

السلااام عليكم
شلونكم بنات ..مبااااااارك عليكم الشهر وينعاد عليكم وانتوا بصحهه وعافية
انا كتبت مشكلتي قبل كم شهر بس بأسم ثاني بسم (احتضار) امي احين تستخدم هالاسم وتشارك فيه بقسم الطبخ والديكور(هاي منعا للالتباس) ياريت اذا وحده من المشرفات تقدر تغير لي اسم احتضار لان امي مو عاجبها تقول وايد متشائم هههههههه شكلي طلعت من الموضوع بس ياريت اذا احد يعرف شلون اقدر اغير الاسم حق امي
كانت مشكلتي عن الدوام وشلون معاملتهم لي
بس بنات ابشركم قدمت استقالتي من الشغل قبل يومين وان شاء الله الله يعوضني بشغل احسن منه
سبحان الله قعدت من النوم وانا حاسه بضيق وقلت حق امي ماابي اروح الدوام قالتلي اذا ما تبين خلاص ماله داعي قدمي استقالتج وصليت استخاره واتصلت حق ابوي في الدوام وسئلته وقالي ما يسوى عليج وظيفه تنذلين فيها اذا مو مرتاحه استقيلي والحمد الله بنات نفس الوقت كتبت رسالة الاستقاله وبردت حرتي فيها كتبت كلااام قوووووي وقدمتها حق المدير الاجنبي(اهوهه بريطاني) المهم انه قراها وقالي كلامج كله صح واحنا ما كنا عادلين معاج وقبل استقالتي نفس الوقت وطلعت من الدوام الساعه 4 العصر(دوامي من 8 الصبح-6 الليل واذا ما اخذت ساعة غدى اطلع الساعه 4:30)الحمدالله افتكيت منهم
السكرتيره اتصلتلي ثاني يوم وقالتلي اني يوم طلعت اتصلوا حق المدير وقالوا له ان ابوه توفى وقالتلي هذي عقاب من الله على الظلم الي ظلموج اياه بس انه ما دعيت عليه والله يشهد وقلتلها الموت حق والله كاتب ان يموت وانا مالي دخل وحسابه عند الله

انه وايد مستانسه ومرتاحه عقب ما صارت نفسيتي دمار من الوظيفه وصار فيني اكتئاب لا اطلع ولا ادخل كله في البيت حتى صديقاتي مااشوفهم ولا ازورهم
احين احس براحهه نفسيه الحمدالله
بنااات ادعولي واحنا برمضان احين ان الله يوفقني بوظيفه احسن ومشكووورين حبيباتي:26: