الحمدالله حمداً كثيراً طيباً

الحمدالله الحمدالله الحمدالله حتي يبلغ الحمد منتاه


انا متآخره دورتي عشرة ايام واصلا دورتي ماهي منتظمه اساساً تغيبني بالشهور

المهم اني كنت حاسه اني حاااامل وان هالمره بأذن الله ان ربي بيرزقني وان شااء الله ربي راح يرزقني ويرزق كل متاخره

لكن رحت للدكتوره اليوم وقدر الله ماشااء فعل والحمدالله على قضاه وشافت الرحم بالسونار قالت مافي حمل نتاكد بتحليل الدم عاد انا الاتحليل الدم مااحبه اكرهه مااحب كلمة نيغتف تعقدت منها قالت لازم عشان نتاكد المهم سويته يابنات يالله علي هالشعور المرعب وزوجي يدعي بينه وبين نفسه وبنفس الوقت يبين قدامي انه عادي لو طلع نيغتف خلاص انا علي اعصابي مدري ليه مع اني واثقه اني ربي يبي يرزقني الا اني حاطه بالي النتيجه سلبيه
والله يابنات حتا بنتي تدعي معنا جت الورقه من المختبر ماتشوفون الا زوجي مستعجل علي النتيجه لان كلنا علي اعصابنا وسبحان الله والحمدالله وتطلع النتيجه نيغتف الكلمه اللي مااطيقها كان ودي اصيح وابكي لاكن ماقلت الا الحمدالله الحمدالله حتي يبلغ الحمد منتاه والله يابنات النفسيه زفت وربي احس بغصه مع انها مو اول مره السالفه بس سبحان الله يمكن ان طال الصبر وبأذن الله ان الله مع الصابرين

بنتي هذي السنه باذن الله تدخل اولي ابتدائي وهي اللي كاسره ظهري دايم تدعي ان الله يرزقها اخوان وخوات ياحياتي عليها وربي قطعت قلبي لاطفشت قالت انا ماعندي احد العب معه وديني لفلان وديني لفلانه ابلعب معهم

تكفون ياخواتي لاتنسوني من دعائكم وانا ماانساكم بآذن الله انكم دايم علي بالي وبأذن الله يجي يوم ومانلقى احد بالقسم هذا وكلنا ننقل عفشنا لقسم الحوامل بأذن الله

اللهم آسالك بآسمك الواحد الاحد الفرد الصمد ان ترزقنا الذريه الصالحه والولد الصالح عاجل غير اجل اجمعين يآارحم الراحمين يآاكرم الاكرمين