الحمدالله على كل حال

هدي نفسك الله قادر يبدل حالهم ويشفيهم ف غمضة عين .. أسأل الله الذي لايعجزه شي أن يشفيهم ويكشف عنهم الضر ويرفعه

الله يشفيهم ويفرج همكم وترى بس يبغون منكم الدعاء والتفائل وتدعمونهم ولا تبينون لهم حزنكم وتنكدون عليهم خصوصا اخوك لان مريض السرطان يحتاج معنويه عاليه عشان يساعده بالعلاج
ابوي الله يخليه ويطول بعمره من 6سنوات معاه السرطان والحمدلله معنوياته عاليه ونفسيته احسن مننا احنا الطيبين واللي مانشكي من شي والله انه يسافر يطلع يتمشى يصلي ويخطب ويأم الناس المسلمين بالمسجد ويلعب مع الاطفال ويسولف ماشاء الله تبارك الله والدكتور يقول نفسيتك هي سبب تحسنك يوم عن يوم مع العلاج وتقلص الورم وانحصاره بعد ماكان منتشر بالجسم والله يشفيه ويشفي ابوك واخوك وجميع مرضى المسلمين

انا مريضة سرطان عزيزتي والحمد الله بعد الكيماوي والاشعاعي من بعد فضل ربنا سبحانه وتعالى ربي شافاني وتقدرين تدخلي ملفي وتقري قصتي بعنوان اكشن حياتي أهم شي اخوكي نفسيته لازم تكون مرتفعه
وبالنسبة للوالد في أدوية ياخذها تساعده وممكن يكون في تدخل جراحي بس لاتخافي ماعليكم إلا العافية يارب أهم شي انهم يبعدون عن أي شي يسبب الضغط ولاتحسسوهم انهم مرضى لأن هالشي ممكن يئثر عليهم
هذا كلام دكتور قالي عليه وانا بالعناية المركزة قالي تبغي تطيبي وتتحسني لازم معنوياتك ونفسيتك تكون مرتفعه
اتمنى اكون افدتك

• جزاكم الله خير اخواتي

الله يشفيهم ويرفع عنهم ويحفظهم يارب