السلام عليكم ورحمة الله وبركاته
اللهم لك الحمد حتى ترضى ولك الحمد اذا رضيت ولك الحمد بعد الرضا
قبل اسبوعين تقريبا تعبت تعب شديد فجاه وكنت اشوف الموت يارب لك الحمد تحسنت شوي بفضل من الله ودخلت بنتي تطلب منكم تدعون لي والله يجزاكم الجنه ويبعد عنكم كل شر وكل مرض امين
تعبي ماكان فيني شي الحمدالله سليمه اطلع واجي واروح ونشيطه يعني طبيعيه جداااااا واخر نشاط لي بعافيتي كنت رايحه للسوق انا وزوجي وبناتي ووحده من البنات مع زوجها وانا برا المملكه ببريطانيا ومبسوطه ومافييني الا العافيه ياربي لك الحمد حتى دخلت محل اسمه بوتس كله عطور واجلس اجرب ماباقي عطر ماشميته والحمدالله ماكان عندي مشاكل المهم بعدها بيوم تعبت فجاه صحيت لقيت نفسي فيني خمول موطبيعي ابدا بس مافيه حراره والم مفاصل قلت شكلها بداية انفلونزا عاديه وكان وقت الكريسمس ومخططه اني باروح لليوكسينغ داي هذا اللي يكون فيه تخفيضات كبيره جداااااا وهو معروف في اوروبا ومتحمسه عشان فيه اشياء غاليه تقدرين تشترينه برخيص في هاليوم يعني فرصه الهدف من ذكري لهالشي اني كنت طبيعيه وبعافيتي يعني امارس حياتي بشكل عادي وبعد هالخمول ابتدت معاي كحه من الليل ماتروح لدرجة احس روحي بتطلع واجلس ابكي وبعدين حرارته 38 ماتنزل الا بخافض والام في الجسم موطبيعيه كنت مفكره عادي انفلونزا يومين ثلاثه واتحسن لكن الوضع تازم وصرت طايحه على الفراش والكحه ماتفارقني وخلاص ماعاد اكل ملازمه الفراش بس اغصب نفسي عشان اقوم اصلي وتازم الوضع وكنت باخذ مضاد من عندي لانه هنا مايصرفون لك مضاد الا بوصفه وقلت خلاص باروح للدكتور ورحت للاسعاف واعطوني خافض وقالو مانقدر نسوي لك شب لازم الدكتور اللي يتابعك طبعا نظامهم برووود مو طبيعي تتقطعين قدامهم يالله يتحركون يحسبون اجسامنا مثل اجسامهم نقاوم بدون ادويه المهم تعبت اكثر واتصل زوجي على مستشفى ثاني المهم عطوني موعد في نفس المستشفى في نفس اليوم حسو انه الحاله مستعجله شافني الدكتور صرف لي مضاد اموكسسيل وبعدها قال تعالي بعد مايخلص استخدمته مافيه فايده تعب وخمول وكحه تقطع القلب وحراره وتعرق شديد وصار يطلع دم ورفوو يسوون اي شي لحد مايخلص المضاد اتصلنا على الاسعاف قالو لازم ينتهي المضاد وكل ليله اجلس اصيح كاني بزر وبناتي مايدرون وش يسوون وحالتي حاله ياربي لك الحمد وانتهى المضاد ورحت لدكتور ثاني قال لازم اشعه للصدر ومضاد اقوى اخاف يكون السل بسم الله علي وعليكم منه او التهاب رئوي اسمه نمونيا شديد وخطير الله يعافينا واياكم المهماخذ الاشعه وقال اذا فيه شي خطير راح نستدعيكم في نفس اليوم واذا سليم راح تستمر على المضاد واذا مافيه تحسن خلال ثلاث ايام ارجع لنا استخدمت المضاد تحسنت شوي مو كثير وجاتني كتمه بالليل تمسكني او بالصبح مع كحه وضيق تنفس وصفير ودوخه خلاااااااص تعبت واستمريت على المضاد بس لازالت الكحه مع ضيق التنفس وواذا تحركت كثير ولا اشتغلت لازم ارتاح شوي ما اقدر استمر والبس كمام واضف البيت حبه حبه وبناتي وراهم مدرسه واقوم وانا تعبانه وساعات ابكي على الايام اللي كنت فيها بعافيتي ومضيعتها باشياء مالها سنع واجلس اتحسر واقول سبحان من بدل الاحوال عادي اول اطلع الدرج اشتغل كثير اسوي اللي ابي العب رياضه والان يادوب اتحرك تعبت نفسيتي اللهم لا اعتراض رجعت للدكتور وقلت له لازالت الكحه وانا تعبانه مو طبيعيه وتجيني كتمه وضيق تنفس وصفير وخرفشه بالصدر يالله تفك عني صرف لي بخاخ فنتولين الاخضر وقال استخدميه مؤقت قلت ليه فيني ربو انا قال نشوف وجلست اقرا عن الربو وتحطمت نفسيتي لانه نفس حالتي واستغربت كيف جاني في خلال اسبوعين ياربي لك الحمد على كل حال وصرت ادور بالنت واشوف معاناة الناس وانه في حالات وفيات كثيره بسبب الربو ادري الموت حق بس مهما كان الواحد يخاف تعبت من كثير ماقريت والحين تجيني كانها ازمة ربو وما اتحمل ريحه قويه واذا اشتغلت اتعب حتى الصلاة اتعب واقول يارب ترحمني مدري هذا ربو ولا ايش خلص المضاد امس واليوم تعبت وجاتني الازمه اللي كانها ربو الصباح وكحه وبلغم ماتوقف واستخدمت البخاخ بختين وخفت الكتمه شوي بس الكحه لازالت والبلغم كثير والحمدالله على كل حال
ابي اقوم ارتب البيت ماقدرت مالي نفس اكل ولا لي نفس شي وخايفه من الكتمه ترجع لانه سمعت انه لو كان ربو ممكن تجيك في لحظه وتزيد بعد وتعبانه مانمت زين وبغربه ويارب رحمتك
اللي ابي اقوله انه لاتهملون انفسكم اذا جات كحه وخصوصا مع بلغم حتى ماتتطور الحال لازم تكشفون يمكن اهمالي واعتمادي على مناعة جسمي وهي ضعيفه هو اللي ترك الحاله تتطور بس وش اسوي هنا نظامهم معقد في السعوديه يعطونك بخار شي هنا لا كل شي معقد وانا الحين باخذ موعد اروح ثانيه ابي اعرف الكحهمستره مع البلغم وضيق التنفس ابي اعرف هذا ربو ولا ايش عشان اعرف اتعامل واتاقلم معه الاشعه الحمدالله سليمه
بس التعب موجود وبصعوبه اتحرك يعني مو مثل قبل الشكوى لله عساه تكفير بس وتطهير بنات اللي معها ربو كيف عايشه حياتها خصوصا اللي متزوجه انا صرت انام لحالي وما اقدر اقوم بواجباتي الزوجيه ولا لي نفس اكثر الوقت منسدحه ومناديلي معي وادويتي كاني عجوز ام سبعين سنه اللهم لا اعتراض يالله ياكريم ترد لي عافيتي وصحتي وتشفيني وتشفي كل مريض
صحيح الربو ماله علاج ومع الوقت يتازم خصوصا اذا جا على كبر لانه عائلتنا مافيه احد فيه ربو الله المستعان للحين ما تاكدو ان فيني ربو بس الاعراض نفسها خصوصا لما صرف لي البخاخ وان شاء الله يارب تكون فتره وتعدي ومايكون عندي ربو نصيحه بنات لاتهملون الكحه او اي التهاب في الصدر ترى مو سهل وربي تعب مو طبيعي يارب تبعد عنا شر الامراض
نصيحه لايضيع وقتكم في اشياء ماتفيد استغلوها في مايرضي الله واستمتعو بحياتكم واتركو عنكم الزعل والهم طالما الواحد بصحته والله انه في نعمه وعنده كنز الدنيا يحمد ربي ويشكره لانه الواحد في لمح البصر يبدل الله حاله اي عمل لاتاجلونه وحاولو ترتبو اموركم وتعيشون حياتكم في حدود ما امر الله به ولاتضيعون الفرص وربي اني متندمه لاني كان عندي اشياء ماجلتها وكل يوم اقول بكره حتى الطاعات ناجلها ونقول بعدين الله يتوب علينا بس الحمدالله قدر الله وماشاء فعل
آمــــاســــي @amasy_2
محررة برونزية
الحمدالله على كل حال هذا ما اصابني يبدل الله من حال الى حال انتبهو لانفسكم.....
47
16K
يلزم عليك تسجيل الدخول أولًا لكتابة تعليق.
عطني فرصة اتنفسك
•
**** يقومك بالسلامة ويخليلك بناتك
امي فيها ربو وولد اختي الله يشفيهم ويشفيك اذا جيتي لسعوديه عندك الدكتور رسلان لامراض الصدر ممتاز
الصفحة الأخيرة