الحمدالله واخيراً ولدت

السلام عليكم
ابشركم الحمد الله ولدت فجرية الخميس بعد مااخذت من العاشر 5 ايام وجبت بنوته
والحمدالله على كل حال طبعاً ماجانى طلق وانا طفشت من الانتظاروشربت كمون يومين ورا بعض و يوم الثلاثاء رحت لدكتوره اللى اراجع عندها وقلت لها شوفي لى الرحم اذا مفتوح ولا لا ولما قاست قالت مفتوح 3 سنتم وسوت لى تحريض وقالت لى اطلع امشي ساعه وان شاء الله راح يجيني طلق ،، طلعت منها ورحت للمشى ومشيت ساعه ورجعت للبيت وانا احس فيني مغص خفيف وشربت كمون ودارسين ورحت نمت قلت اخذ لى نومه لانه احتمال يزيد المغص المهم صحيت الفجر وانا مافيني شي ابد بالعكس كانت نومتى مره حلوه والمغص راح:(
رجعت نمت الين الساعه11 بعدها قمت ونفس الشي مافيني اى بوادر طلق :angry2:
لما جت الساعه 2 قال زوجي خليني نروح للمستشفى نشوف وش يقولون لانه بروح على اساس افتح لى ملف عندهم ورحنا لرعاية الرياض ودخلونى قسم الولاده ويشوفون النبض ويقيسون الطلق بعدها جت الدكتوره وشافت الرحم قالت مفتوح 3سنتم ومافيه طلق بعطيك طلق صناعي وكتبت لى تنويم
وطبعاً شفتو الموضوع اللى حطيته قبل فتره انه وجه البيبي صاير على قدام ولو مالف وقت الطلق راح يولدوني قيصري ،، طبعاً كنت جايبه ملفى للدكتوره وقلت لها عن هذا الشي بعدها خلوني امشي ماعطوني الطلق على طول خلونى امشي ساعتين :eek:
الين خلاص عصبت كنت داخله عندهم الساعه 2 وجلست الي الساعه 7 كذا وهم كل شوي يقولون امشى ويرجعون يقيسون الطلق والمشكله الجهاز مطلع انه مافيني طلق ابد طيب ليه يسوون فيني كذا :angry2:
تعبت اعصابي مرررررررره وقلت خلاص بطلع ويروح زوجي يكلم الدكتوره ويقولها لانه قبل كنا نقول للممرضه وتطنشنا وتجي الدكتوره وتشوفنى وتقول للمرضه تركب لى الطلق ويحطونه الساعه 8 في الليل واول ماحطوه خفيف مره ويزيدونه شوي شوي واجلس الى الساعه 10 وتجي الدكتوره وتفتح لى المويه وبعدها بساعتين بديت احس انه شي يدفع على تحت واقول للمرضه وتنادي الدكتوره وتشوف قالت خلاص ولاده ويجتمعون على يشعوني بوش بوش :2thmup: والحمدالله الساعه 2 الفجر طلعت بنتي لكن بعد ماطلعت عيت تطلع المشيمه وجلسو يحاولون بدون فايده قالو لازم تخدير وتنظيف :icon36: وانا خلاص ويودوني غرفة العمليات ويخدروني واول مره اجرب التخدير وان شاء الله الاخيره ياربيه يروع يوم صحيت من البنج احس بنفاضه وبراد كل جسمى يرجف ماركدت الا على الساعه5 الفجر والحمدالله اللى ربي هون علي وفرجها