الحمدالله ولدت وهذي تجربتي مع الولاده

السلام عليكم

شلونكم خواتي الغاليات ؟؟ ولهانه عليكم موت وعلى احلى منتدى بالنت اللي استفدت منه واجد

طبعا تدرون اني ولدت والفضل للاخت سراب جزاها الله خير عني وعن كل وحده ردت على موضوعها وباركتلي فيه
وجزا الله خير كل اخت غاليه باركتلي وهالشي يدل على طيبة قلبكم ومعدنكم الاصيل والله لايحرمنا من وجودكم يالغاليات

انا خلصت شهر بس ماخلصت الاربعين وقلت لازم اسلم عليكم واقولكم اني بس اخلص الاربعين واخلص السوق والتجهيزات برد مثل قبل وانزل برنامجي بالنفاس اللي انشالله الكل يستفيد منه مع العلم اني طبقت نظام فيافي بس مااقدر ارد على اي سؤال الحين الا اذا نزلت البرنامج لاني اضفتله اضافات
بس هالايام بشبك عالخفيف بالليل عشان ارد عليكم بموضوعي هذا لاني اخاف ظهري يعورني خصوصا ان وراي مشي وسوق وتعب

بس خلوني اقولكم عن تجربتي بالولاده .. طبعا تذكرون موضوعي ( ايات واذكار لتسهيل الولاده ) ؟

اضغطي هنا

بصراحه كنت قبل الولاده ب 10 ايام اقراه وقريته بعسل طبيعي وماي زمزم وكنت اشرب كف مريم وبابونج وزعتر ومرات حبة سوده ومرات حلبه واكل تمر واجد بس للاسف ماجاني الطلق وكنت خايفه من الطلق الصناعي
بعدين قلت خل انطر تو الناس على موعد ولادتي واذا الله كاتبلي بولد راح اولد
بس المهم اني استمريت عليه مع المشي من نص ساعه الى 40 دقيقه حسب قدرة التحمل
طبعا مااخذت دارسين لان فيه اخوات ذموه بس عموما الدارسين تشربينه اذا الرحم مفتوح لان اذا الرحم مسكر بيزود الطلق عالفاضي وبيصير عذاب
قلت اخر الدواء الكي .. خل اجرب زيت الخروع مع اني قاريه عنه بالمنتدى وبعضهم ذموه بس للاسف هم شربوه بطريقه غلط واستشرت الدكتوره وتوكلت على الله

قبل موعد ولادتي اللي حددوه حقي بيوم شربته
يعني شربت بالليل 2 ملعقه كبيره من زيت الخروع + عصير نص برتقاله
اقسم بالله بعد ساعتين تقريبا جاني وانتو بكرامه اسهال ومغص وبعدها تقريبا ب 3 ساعات بدا يجيني طلق خفيف كلماله يزيد وحتى اذكر اني كنت شابكه بالمنتدى ارد على مواضيعي والالم يزيد بس قلت لازم انهي كل ارتباطاتي وكنت مثل الحلم مومصدقه اني اخيرا راح اولد بطلق طبيعي

المهم سكرت الجهاز ورحت اقرا سورة مريم وياسين واشرب ماي الزمزم المقري فيه وشربت كف مريم واكلت تمر ومشيت بالحوش وانا اقرا الاذكار والالم يزيد وكان الوقت صبح تقريبا 7 الصبح ورحت اجهز اغراضي واخذ دش ومن كثر ماانا مو مصدقه قلت يمكن مو طلق
المهم قلت خل اجرب الكبو بس للاسف ماطلع دخان واجد لاني حطيت فحمة بخور والمفروض نحط فحم الشوي يعني مااقدر اجزم اذا الكبو له فايده والا لا
والكبو عباره عن كمون حب ومره لاني قريت انه يفتح الرحم

المهم رحت المستشفى والطلق يزيد بين كل طلقة والثانيه 4 دقايق مع العلم ان الطلق جاني تقريبا الساعه 3الفجر
وانا طول الطريق اقرا الاذكار وحاطه على اذوني السماعات ومشغله سوره مريم واكل تمر وماخذه معاي مطاره فيها نعناع وبابونج مغلي وبطل فيه ماي زمزم وقبل لاانزل المستشفى شربت كوب من البابونج والزعتر وماي الزمزم ورشيت على بطني من الماي واكلت ملعقتين عسل وكنت منقعه مره مخففه شربت منها شوي حتى انكتت شوي على شيلتي وقلت احسن بعد عن الشمم
يعني الافضل تحطين منها على الايد او تحت السر بشوي عشان الشمم مع العلم اني ماحطيت تحت السر لان المجال ماكان يسمح بالسياره بس انتو حطوه بالبيت
نزلت قالولي مفتوح 4 سم وولاده .. وودوني الولاده وحتى والله وانتو بكرامه الحقنه الشرجيه حطولي بس ماكو شي لان الخروع ينظف
المهم قعدت اقرا الاذكار وقلت بصبر شوي مابي كمام واستعملت طريقه التنفس عشان يخف الالم ( شهيق عميق وزفير طويل )
بس مااستحملت يوم زاد الطلق ... بعدين خذيت الكمام خصوصا يوم شقو كيس الرحم بغت تطلع روحي بس الله رحمني بالكمام
ومن شقو الكيس زاد الالم بس نصيحه بين كل طلقه وطلقه لفوالجسم على جنب يريح الوضع
وصرت اخذ كمام وادعي بقلبي ( لاتنسون تدعون لنفسهم ولحبايبكم بشي فيه خير لكم )
والله يشهد اني دعيت لكل محرومه في المنتدى انها تحمل ودعيت لكل مريضه ان الله يشفيها ودعيت لاخت وصتني ادعيلها واهي بتعرف نفسها )
لانكم تستاهلون كل خير واني ادعيلكم

قسما بالله والله يشهد علي اني بسرعه ولدت تقريبا بساعه ونص او اقل بعد عقب مادشيت غرفة الولاده وكل هذا بفضل الله سبحانه وتعالى والاذكار والايات والخروع
واهم شي الخروع لانه جابلي الطلق بس مادري اذا الاشياء الثانيه ساعدت والا لا ؟؟ بس اكيد ساعدت خصوصا ذكر الله
واول مره بحياتي اولد بسرعه ولله الحمد لاني لو مطوله ماكنت بتحمل لاني قمت ابجي من الطلق لاني صايره ماتتحمل الالم مثل قبل
مع العلم اني بالطلق الصناعي اقعد يوم كامل اطلق واتعذب
والولاده السريعه لها فايده هي انج ماتتعرضين واجد للكمام وماتنسد شهيتج بعد الولاده ... لان بكل ولاداتي كانت نفسي مسدوده مااحب اكل ولا اجوع بس بالولاده الحمدالله كنت اكل عادي لان ماكو مخدر واجد بدمي

الحمدالله الحمدالله الحمدالله على نعمته علي .. الف حمد وشكر لك يارب

واهم شي بعد ماتقومون من الولاده تشربون من المره وكل شوي تشربون شوي طول ماانتو بالمستشفى عن عطور السسترات والدكاتره
وطبعا لاتنسون توصون احد يجيبلكم اللهوم ويسويلكم شاي الاعشاب والعصيده يعني مو تهملين نفسج بالمستشفى
اما الارطا مااستعملته الا يوم طلعت


بس ملاحظه: فيه وحده ولدت عقبي علمتها على الخروع جابت عمليه لانها اول مره جابت عمليه والمشكله ان الرحم مسكر يعني الخروع يجيب الطلق بس
بس سبحان الله الله كاتبلها العمليه يعني للي ماتنجح معاها الطريقه لاتلومني لاني اقول تجربتي

واخيرا انا بانتظار اي استفسار خاص بالولاده بس وبتسهيل الولاده
واقولكم جزاكم الله خير على سؤالكم عني والله يجعله في ميزان حسناتكم
واقل شي اقدمه لكم هو برنامجي الخاص للنفاس بس مو الحين اذا كتبته ورتبته انشالله لانكم تستاهلون اكثر ولولا منتدى حواء ماعرفت برنامج فيافي اصلا

شكرا من القلب :26: