الحمدالله ياربي نفسيتي تحسنت

السلام عليكم
انا عندي سكر حمل ومن يوم اكتشفته وانا مهمومه ومن الهم اكل شكولاته واكل مو صحي
وكل مااسويلي حميه اخربها اما بالخرجات والاستراحات والجمعات عذاب كنت بس اطالع هاالعالم ياكلون من الجاتوهات والحلويات والمعجنات وبعيوني الحسره:44:
اول شيء سويته انقطعت عن الجمعات والطلعات لما اولد بسلامه كلها شهرين ان شاءالله واولد
اشتركت في مركز دايت سنتر الوجبات الدايت ومافيها سكر صدق ماتشبع بس شيء اهون من شيء
ثالث حاجه والاهم النفسيه صارت احسن والسكر صار تقريبا بحدود الطبيعي الحمدالله ياربي
قبل والله يابنات لما اكل من ماكدونلدز يوصل 250 بعد الوجبه بساعتين ولا اذا اكلت بيتزا او شاورما يطق فوووق 180 ..
بنات نصيحه انتبهو الانفسكم من الحلويات والافراط فيها ترى انا مافيه احد بعايلتي فيه سكر لا ابوي ولا امي ولا حتى جدتي ماشاءالله تبارك الله كلهم سليمين بس انا من كثر الافراط بالحلا واتذكر نفسي اكل اصبعين توكس ثم اذا جاء العشاء طلبت من ماك وكان اكلي كله مو صحي ..
نصيحه من اخت محبه انتبهو من سكر الحمل تراه يسبب موت الجنين المفاجئ بالشهر التاسع يعني ممكن تروحي تعملي سونار يقولون كل شيء طبيعي من بكره تتفاجئين انه ميت لانه مايبين فيه شيء وكثير صارتلهم
انا مابي اخوفكم بس ياحبيباتي الحذر واجب ..
واتمنى لكم دوام الصحه والعافيه يارب