الحمدلله

السلام عليكم ورحمه الله وبركاته
اليوم بكتب لكم قصه حقيقه حصلت لااختي قصه قطعت قلوبنا كلنا وحزننا على هذا الموضوع حزن شديد
اختي ولدت وجابت ولد وفرحنا كلنا ولدت قبل العيد ب١٠ ايام وصارت فرحتنا فرحتين
المهم كانت جمعه العيد عندنا واختي جات تعيد معانا جاء يوم العيد وفرحنا كلنا وتجهزنا
وجو الحريم يعايدون علينا ويسلمون على اختي الي توها والده من ضمن الحريم الي جو عجوز قالت لااختي ترضعينه من صدرك؟
قالت اختي ايه ...قالت لها العجوز حظك ولد بنتي رفض يشرب صدرها
تقول اختي مدري وش جاني ماقلت لها قولي ماشاء الله
اليوم الثاني صحينا الصباح وخططنا نسوي حفله لااختي
وفعلا جبنا هدايا وبلونات وكيكات وكذا
وجهزنا كل شي من بدري
قامت اختي من النوم قرب العصر وقالت لنا ولدي رفض يشرب من صدري من امس
وراحت امي جابت لها حليب ورضاعه وكمان رفض يشرب
جاء المغرب وجاء وقت الحفله وجهزنا الطاوله
الا على صرخه اختي صرخه قطعت قلوبنا كلنا وفزينا كلنا
رحنا نشوف وش الموضوع جسم ولدها ازرق ازرق وشفايفه اسود
اااه ياذاك المنظر😔الي يقطع القلوب💔
راحت اختي وزوجها وامي المستشفى تقول اختي طول الطريق وانا يدي على قلبه واستودعه الله
وصلوا عند باب الطواري وتقول اختي المس قلبه معد فيه نبض
واتاكد اذا هو يتنفس مايتنفس ابدا وصرخت وجو الطقم الطبي واخذوا الطفل للانعاش وانعشوه ورجع له القلب والتنفس
وجلس في العنايه تقريبا يومين ورجع توقف القلب والتنفس وانعشوه ثاني مره اخذوا من تحاليل قالوا سليمه وسوو اشاعه وكل شي سليم وجابو شيخ يقراء عليه
اليوم الثالث اتصلوا المستشفى وجانا خبر وفاته اااه يابنات انقلب حالنا فجاه كلنا تعلقنا فيه وحبيناه
وعلمنا اختي ان ربي اختار ولدها وان شاء الله يكون شفيع لها بكت واغمي عليها وحالتها تحزن 😔😔😔💔💔
عاش معاها ١٥ يوم ومات ولكن ذكراه ماراحت ابدا تقول اختي كل ماشفت الخياطه في بطني اتذكره كانه حلم جاء وراح
السالفه صار لها تقريبا سنتين بس تذكرت الطفل لانه مات في مثل هذ الشهر
الله يرحمه ويجعله شفيع لوالديه
الي ابغى اقوله من القصه حصنوا عيالكم ولا تصوروهم
استودعت الله اطفالنا وانفسنا واهلنا ومن نحب💜💜
والله يصبر قلب اختي الي كل يوم تبكي على فقده 💔💔