الحمدلله

لما بتمر بظروف صعبة طبيعى جداً يحصلك صدمة و طبيعى إنك فى الأول بترفض تقبل الواقع و ممكن كمان ييجي عليك وقت وتستسلم وتشوف الدنيا ضيقة طبيعى يحصلك إحباط دي مشاعر طبيعية على فكرة بيمر بيها آى إنسان و مهم جداً إنك تدركها وتتقبلها عشان هتسهل عليك اللى جاي من كرم ربنا عليك إن بعد الإحباط بتيجى مرحلة التعود والقبول بأمر الله بتبدأ بعدها مرحلة الفوقان بتبص حواليك تفكر فى حلول تحط خطط جديدة بتلاقى ربنا زرع فيك الشغف من أول وجديد بدون ما تدرى بتلاقى نفسك بتسعى كأنك إنسان جديد بتواجه الصعوبات بمنتهى البأس وتستمر فى المحاولة لحد ما تنجح بعد النجاح بتبدأ تبص وراك و تفتكر اللى فات و أنت بتضحك