الحمدلله أخيرا خف التساقط... أول وصفه من 2003 تضبط معي الله يجزا صاحبتها الجنه

السلام عليكم ورحمة الله وبركاته ...

قصتي طويله شوي لكن رح احكيها لكم من البدايه
من 6 شهور تقريبا عانيت من تساقط فضيع (بعد موقف حصل لي ما مع ناس ما احب اذكره)
يعني وأنا اتسبح وأنا امشط وأنا ازيت يتسااااااااااااقط حتى لو بامسكه اعدل الربطه يتساقط رغم انه ماتغير علي شي
المهم رحت على GNC وشريت حبوب ultra hair وجربتها شهرين وماشفت نتيجه
غيرتها لحبوب ثانيه من عنهم مدحتها وحده بالمنتدى استعملتها 3 شهور وكمان ما شفت نتيجه
جربت اشرب زبيب يمني قلت يمكن فيني فقر دم وكمان ماشفت نتيجه
وفي هالوقت طبعا وقفت كل الخلطات والزيوت اللي استخدمها عشان أحاول أعرف سبب التساقط
وصرت مره احط زيت عافيه فقط أو أملا يعني حاولت ابعد عن الخلطات لأني وانا احطها بيطيح زياده (لأن قوامها ثقيل مع الزبادي أو المايونيز)
اللي لاحظته ان كثير يشتكون معي في نفس الفتره لكن عجزت اعرف السبب وصرت امشط شعري بحذر وبدت تبان الفراغات في شعري من قدام :o وبصراحه جاني رعب من الصلع :06:

ادري طولت بقصتي لكن ودي تحسون فيني
المهم ياحلوت قلبت في دفتر الخلطات ولقيت خلطه قديمه كنت طابعتها من سنين ولكن ما استخدمتها لأن فيها حنا وأنا ماكنت ابي احني عشان متى ما حبيت أصبغ ما يغير اللون وكمان كنت خايفه من ريحة البصل
طبعا لما وصلت لهالمرحله قلت على هالحال مافي أمل أصبغ (تساقط + شييييييب) وقلت الريحه مو مشكله المهم ما أصلع
فقلت خلاص مالي الا هالخلطه ورجعت بحثت عنها وقربت الردود وتحمست
والحمدلله بعد ما استخدمتها خف التساقط بصورة ملحوظه (ماشاء الله تبارك الله) طبعا مايروح نهائي لكن على الأقل خف وان شاء الله بالاستمرار عليها يبدا يكثر الشعر
قبل ما أقول الخلطه ياليت المتزوجات يبعدون عند هالنقطه (إلآ اللي زوجها مسافر شهر) وأنا مو مسؤوله عن أي مشاكل زوجيه من هذه الخلطه

وهذي لخلطه

وهذا رابط الموضوع
http://forum.hawaaworld.com/showthread.php?t=319032

طبعا انا تعمدت احطها في موضوع جديد وما اضيف رد فقط في موضوعها لأن الموضوع الأصلي وصل 70 صفحه ورح يضيع ردي بينهم

وحابه اضيف لكم شي
أنا اتبعت أشياء مع الخلطه وهي:
* الدعاااااااااااااااااء بأن الله يبعد عن رأسي التساقط
* حاولت احسن من نوعية غذائي
* قبل ما أحط الخلطه أقرأ فيها وما أحطها في الحمام عشان القراءه
*الآن استخدم معها قبل الحمام زيت دابر أملا مقري فيه (أنا قريت فيه)
* أول ما استخدمتها ماكنت منتظمه وماشفت نتيجه لكن مع عطلة الحج انتظمت والحمدلله بينت النتايج
* استخدمت الخلطه مثل ما قالت يوم ورى يوم وناويه أبدا أخفف ليومين في الاسبوع مع بداية الدوام


كمان اضافه جربت الخلطه بالسدر ومانفعت :o لأن السدر مايعزل وصار شعري كله سدر ورجعت اغسله ثانيه يعني ما استفدت شي ولأن السدر يطلع رغوه حسيت كأني حاطه شامبو بشعري:o
وكمان بالنسبه للريحه هي تبان أكثر ريحة حنا خفيفه وهو ناشف اما وهو رطب فالريحه مو حلوه يعني لو انا متزوجه احس مستحيل احطه الا ماتبان
أما العزاب خذو راحتكم

أخر شي الله يوفق الأخت نوض ويجزيها الفردوس الأعلى من الجنه وكل من نفع المسلمين ودعواتكم لي ان الله يسعدني دنيا وآخره ويرزقني بما أتمنى