الحمدلله أنا في طريقي للرشاقه بعد عناء سنين من المحاولات

بسم الله الرحمن الرحيم ..

والصلاة والسلام على أشرف الأنبياء والمرسلين سيدنا وحبيبنا محمد عليه أفضل الصلاة والتسليم ..



أما بعد .. خواتي الحمدلله حمدا كثيرا طيبا على أن هداني لهذا الطريق وماكنت لاهتدي لولا أن هداني ربي سبحآن جل في علاه ..




((((وقبل أبدا بالموضوع أنا من زمااااااان جدا مادخلت المنتدى ودخلت اليوم وشفت رسائل على الخاص شكلها قديمه أعذروني يابنات مارديت أنا مادخلت أبد بسبب انشغالي بخطوبتي وملكتي وزواجي وسفري توني ادخل هذا أول يوم وربي يشهد علي ))))











حبيباتي مأراح أتكلم عن معاناتي منذ البلوغ وحتى سن 22 سنه في محاولاتي الفاشله والناجحه أحيانا ولكن مؤقته في عالم الرجيمات والنوادي ..


حتى في يوم قلت خلاص بعيش حياتي وأكل اللي أبي لأنو تعبت نفسيا وجسديا من هذا الموضوع خصوصا وزني مو سمنه مفرطه ونسيت موضوع الرشاقه وبدأ يوم عن يوم وزني يزيد لحد ماوصل للرقم المخيف بالنسبه لكل بنت وهو 100 كيلو لحظتها وقفت ساكته ومؤ مصدقه اني وصلت لهذا الرقم أحس تسكرت كل الأبوب بوجهي لأنو حتى نزولي قبل كان سريع جدا ؤالحين بطيء بكيت كثثير وحسييت مافي ححل نهائيا رجعت للدايت والنوادي بس مافي فائده لازم في نهاية اليوم آخربها آأخ بس وزني زاد وجمال وحهي بدأ يذبل ويخرب حسيت كبرت 20 سنه قدام إذا جئت اتحمم أحس اني عجوز مو بنت الى أن جاء اليوم اللي أراد فيه رب العالمين اني أفكر في هذا الطريق

(( والله يابنات إنه من الدعوات ولله الحمد إنو ربي ينحفني من غير شر ))


مومهم كيف عرفت لأني ماحب أطول في الكلام اكيد طبعا شفت الشي بعيني ماأحد قالي ..


طريقي للرشاقه يزيد يوم بعد يوم ولله الحمد والمنه بفضله ثم بفضل (( عملية تكميم المعده )) أي القص الطولي لها ..


بنات رجاء اللي ماتعرف أي شيء عنها بمجرد أنها سمعت قص شهقت وقالت هذي مجنونه صدقيني أنا كنت مثلك وأقول اللي يسؤونها وربي مجانين وبائعين أعمارهم لكن لااااا وربي إحنا اللي بائعين إعمارنا اذا ماسويناها ..


وقت جلستي مع الدكتور سألته قلته خاايفه أموت بين يدينك في العمليه ضحك وقالي يعني إنتئ الحين ماتخافين تموتين ؤانتي على هالحال !! قسم بالله كأنها طراق على وجههي صحاني من خوفي من العمليات والأشياء هذي حسيت اني جأهله بس بمجرد اسم عمليه نحس أننا بنمؤت !!!! وش هالتفكير ! قالي وصرخ في وجهي إنتئ الحين معرضه للسسكر وللضغط وحملك بكون صعب وولأدتك أصعب ومعرضه للموت الفجاه أككثر بعد ارادة رب العالمين طبعا وفي حال عمرتي دهونك راح تتراكم على القلب وراح يكون تعبك ماتتحمله جبال هذا غير جلطات القدم لأني الضغط عليها بكون قوي لأنها حامله كل الجسم هذا غير صعوبة التنفس ..
آآااخ بس فعلا فكرت بشكل جدي وأخذت قرار وعلى طول حددت موعد العمليه واستخرت وأهلي وزوجي متحمسين أكثر (( مالي 4 شهور متزوجه ومب طايق جسمي ومن عذره والله ))
طبعا ثقفت نفسي عن العمليه أكثر وهذا أهم شيء تسوينه قبل العمليه التثقيف .. الحمدلله العمليه صحيه بكل ماتحمله الكلمه من معنى .. المهم في شهر 1 من سنة 1433 كانت عمليتي على يدين أعظم دكتور والدي عبدالرحمن سالم جزاه الله خير الجزاء الله والله وبالله إنه دكتور بمعنى الكلمه وأشكر ربي ألف مره باليوم اني سويتها عنده


يابنات وربي من زماااان مادخلت المنتدى لكن من فرحتي بنفسي ياربي تدميها لي قلت والله مابخل على أي بنوته سمينه لأني أعرف معانات أي سمينه بنات تكفون فكرو زين وربي عمليه بسيطه سهله وباذن الله بتكونين بين أيدي أمينه إذا سويتها عند ثلاث دكاتره في الرياض ( عبدالرحمن سالم _ عبدالرحمن الصايغ _ فهد بامحزر ) كلهم قمممه مإشالله ..

اكيد كل عمليه لها إضرارها وهذي أضرارها ..
1- احتمال التسريب بعد العمليه بنسبة 2 بالميه يعني احتمال ضئيل جدا جدا جدا وشبه معدوم إذا عديت الأسبوعين بعد العمليه يكون هالاحتمال رإاح خلاص مأعاد له وجود .. ولو لسمح الله كان فيه تسريب راح يكون أما خفيف ( يتم معالحته بعد شرب أي شيء لمدة يومين وتلتأم المعده وبس ) وأما شديد تدخلين الجراحه يسكرونها لك وخلاص لكن الدكتور عبدالرحمن سالم قضى على هذي النقطه بخيطه خط الدبابيس بعدها انعدم وجود التسريب نهائيا وذلك بفضل الله طبعا ؤالتسريب مأراح ئجيك إلا بغلط منك يعني إذا أكلتي خلال اسبوعين شيء صلب ..

2- تساقط الشعر بشكل كبير ولكن يمكن تفاديه من البدائه لأنو فيه ناس تشوف الشعر يطيح ولا يهمها ماتهتم غير في وزنها ممكن التخفيف من التساقط بشكل كبير من ناحية الاهتمام وأخذ فيتامينات للشعر وأمبولات وشامبو ضد التساقط

3- الترهل بعد الوصول للوزن المثالي لانك بإذن الله راح تنقصين كثير لكن مع عمل الرياضه رح يكون الترهل بأذن الله بسيط جدا إلا أصحاب الأوزان الكبيره جدا فالرياضه تساعدهم فقط على نزول الوزن بشكل اسرع أما الترهل راح يكون كبير بالنسبه لهذا الضرر ( ضرر الترهل ) مو من العمليه لأن الانسان بيترهل بعد النحف سواء دايت أو عمليه جراحيه




فقط هذي أضرارا بسيطه ولها حلول وبعد العمليه تستخدم فيتامينات لمدة سنه الى سنتين فقط


فوائد العمليه ،،

1- بإذن الله الوصول للوزن المثالي شيء اكيد

2- اللي فيهم سكر راح يتحسن وضعه بشكل كبير بإذن الله والضغط فيه ناس راح عنهم نهائيا

3- الصحه والرشاقه بإذن الله

4- ثقه بالنفس فضيعه بشكل ماتتخيلون والحمدلله

5- مأعاد تهتمين للأكل زي أول أبد أبد أبد مهما كنتي قبل ( أنا كانو يسموني وحش الأكل ههههه ) الحين ماهتم أبد أهم شيء إكل أي شد يملي معدتي الصغيرونه وبس

6- نظامك الغذائي راح يتغير بشكل جذري وحتى تفكيرك راح يتغير وبتكونين انسانه ثانيه من ناحية التفكير والشكل بإذن الله



قبل يابنات كنت أروح للسوق علشان المطاعم والاكل أما اللبس ماهتم فيه ححتى يوم زواجي ماحس اني عروس زي البنات فستاني كبير وجهازي كان صعب والحمدلله على كل حال
أما الحين أروح للسوق علشان السوق نفسه اشتري ملابس بسهوله مع اني لسئ ماوصلت المثالي بس نقصت كثير الحمدلله ..


أما الألأم العمليه فتكون في أول يوم بس تخف كثير بالمسكنات وتخف يوم عن يوم حتى اليوم الرابع اللي هو يوم خروجك من المستشفى تكونين تحسنتي كككثير وفي اليوم الخامس بيخف أكثر وأكثر وتتحممين في اليوم الرابع عادي أما مع نهاية الاسبوع بتشكين انك سويتي عمليه مإشالله


طبعا العمليه بالمنظار 4 فتحات صغيره جدا تلتئم بسرعه من ثالث يوم تتسكر نهائيا كأنها جرح عادي يعني كأنها مخشة بزر ههههه أبد أبد ماتحسين فيها ولا في ألم فتحاتها يعني كأنها مو موجوده

بالنسبه للي يعانون من الحموضه تعملهم مع العمليه تضييق صمام الفؤاد علشان الحموضه تروح نهائيا بإذن الله



والله الذي لا إله إلا هو لو يرجع فيني الزمن ألف مره برجع أسويها ألف مره

يمكن ماتصدقون لو أقولكم اني إشتقت لذيك الأيام كانت مغامره ححلوه ولها ططعم خااااص جدا حتى زوجي تغير وصار يهتم فيني ككثير وان شالله بعد سنه مقرره أحمل ومااايضر في الحمل أبد أبد بس أهم شيء ماتحملين إلا بعد سنه وفيه بنات حملو بعد أسبوع تتتتخيلو ومع هذا ولدو بالسلامه مإشالله تبارك الرحمن .. لكن الأحوط والأفضل بعد سنه أو 8 شهور


العمليه سهله وحلوه ويوم عمرك مأراح تنسينه أبد أبد والنزول بكون غصب عنك أن شالله معدتك صغيره مره وهرمون الجوع والشبع راح يزال مع الجزء المستأصل يعني إحساسك بالجوع راح يطير أن شالله شاورما والبرقر والمعجنأت والبيتزا راح يكون جدا جدا صعب عليك أول 6 شهور وبعد الست شهور يمكن تقدرين تآكلين قضمه قضمتين بس بعد سنه ممكن تقدرين تآكلين شاورما وحده بس بتستغربين من نفسك بالمطاعم بتشوفين نفسك تدورين الأكل اللين المريح للمعده يعني مأراح تكونين مشفوحة إكل زي قبل لأنو معدتك معدة طفل ..

راح تبدأ تتمدد المعده أن شالله بعد سنه ونص الى سنتين لكن مستحيل ترجع زي حجمها الأول إلا بعد تقريبا 6 الى 8 سنوات وحتى لو رجعت نظامك للأكل أبدا مأراح يكون بشع زي قبل العمليه مهما طالت المده ووزنك مستحيل يرجع بإذن الله إلا ممكن كم كيلو للككن زي أول ممممستحيل جدا أن شالله ..


فيه بنات كثير يخافون من التخدير وأنا أولهم لكن طالما استخرتي وتوكلتي على ربي واخترتي المستشفى المناسب والدكتور الشاطر فإنتي بإذن الله بين أيدي أمينه والتخدير مأعاد يخوف زي أول خلاض الوضع تطور والمستشفيات تخاف على سمعتها وتنقي الدكتور الممتاز جدا ..


المستشفى اللي سويت فيه العمليه ( التخصصي الطبي في الرياض )) قمه قمه قمه بالتعامل والنظافه والاهتمام .. خصوصا منسقة الدكتور آألأستاذه أمل المنصور .. اتحدى وحده تروحلها وماتجي تمدحها مإشالله عليها وتعطيك كل شيء عن العمليه ماااتخبي عنك أي معلومه ..



والدكتور عليه زحمه مإشالله وكل يوم يسوي العمليه ماعدا الجمعه يعني يوميا يسوي من 2 الى 3 عمليات مإشالله ..


بنات أي سؤال واي استفسار أنا جاهزه وربي لأن هالموضوع ابتغي فيه وجه الله سبحانه .. وراح أرد على كل استفسار من خبرتي المتواضعه ورجاء مابي أحد يسأل على الخاص أبي الكل يستفيد ..



دعواتكم لي بالتوفيق الله يخليكم ..