الحمدلله الذي لايحمد على مكروه سواه

السلام عليكم

بنات اكتب لكم وانا ماادري وش اكتب

مااشوف الشاشه من دموعي ......... يارب يارب فرج همي واشف لي صغيري

ولدي طلع له زي العظم الزائد عند الركبه وتتحرك اذا حرك رجله بس ماتوجعه ابدا

وانا ماانتبهت لها الا من قريب

المهم رحت المستشفى العسكري وقال الدكتور هذا ورم اه اه اه يابنات حسيت الدنيا تدور فيني
اه اه الحمدالله على كل حال من الاحوال

بس احس تشخيصه لولدي اي كلام لانه ماسوى الا اشعه عاديه لا سوى تحليل ولاشي وقال وبعد الاشعه قال هذا ورم حميد ....الحمدالله الحمدالله

بس ماادري ليه مو مطمنه لكلامه ماسوى تحاليل ولا شي وقال لازم اشعه نوويه ومقطعيه بعد ماتطلع نقرر نشيله او لا
روحوا سووا موعد للاشعه ونروح تخيلوا متى موعد الاشعه
وحده بشهر 11 والثانيه مدري متى بس هي بعد شهور ماسالنا عنها لانا انصدمنا من موعد الاشعه الاولى
وارجع له ويقول خلاص بعطيكم موعد بعد الاشعه باسبوعين يعني على شهر 12

اه اه اه انا انهبلت وش ذا البرود وليش هالتنطيل بالمواعيد قلت خلاص بسوي الاشعه برى قال عادي يكون افضل بعد واسرع

حسبي الله عليكم طب ليش انتو فاتحين للمواطنين مستشفى حكومي لازم هاتجرجر بالاهلي
ماعليه كله عشان ولدي حبيبي

جعل اللي فيه فيني يارب ولا يجيه مكروه ..ولايجيكم يارب

المهم تكفون وش احسن مستشفى بالاشعه واتشخيص واذا اضظريت سويت له العمليه فيه
في ناس مدحوا التخصصي اللي بطريق الملك فهد
ماادري احد جربه والا لا واذا تعرفون غيره زين دلوني لاهنتوا
الله لايوريكم مكروه لا فيكم ولا في عيالكم يارب

ودعواتكم لولدي ان اللي فيه حميد يارب العرش العظيم