الحمدلله اللهم ادمها علي من نعمه تحول شعري لقمة النعومه والجمال

السلام عليكم ورحمة الله وبركاته
حبيباتي احلى بنات اليوم حابه افيدكم لان دائما اخذ منكم واستفدت كثير واليوم حابه اذكر لكم سبب تغير شعري للافضل واللي خلى قريباتي ينتبهوله ولفت نظرهم والفضل لبعد الله يرجع للمنتدى الاكثر من رائع اللي كان في سبب بعد الله تغير بنات كثير وانا اولهم


مراح اطول عليكم لاني اصلا ماحب المقدمات
انا قبل فتره كنت كل شوي احط موضوع استفسار عن علاج التقصف شي لنعومة الشعر شي يطول الشعر وتقريبا الحمدلله لقيت اجوبه فادتني وانا اليوم راح انقل تجربتي انا وراح اكون صادقه باذن الله بكل كلمه لاني عانيت كثير من شعري وادري ان فيه منكم من يعاني مثلي


:قصة شعري انا طبيعة شعري ناعم بس كيرلي ولاني من النوع اللي اصبغ كثير اذا صبغت اسود بس لاني اموت فيه ويلوق علي اكثر المهم استخدم استشوار تقريبا كل يومبن بحكم اني متزوجه مع سيراميك بعد السشوار مراح اقولكم طول الفتره اللي كنت استخدم فيها السشوار كان تعبان بس موبالحيل وكنت بالفتره هاذي اهتم فيه بس وش فائدة الاهتمام اذا فيه تلف من ناحيه ثانيه وجات فتره على شعري انعدم حيل وبقوه لدرجة ان الاطراف عندي ماتتمشط والله اكلمكم جد اذا تتحممت والله ان الاطراف يابسه وخشنه ولا افكر اني امشطه ارفعه على طول فقررت اني اهتم فيه بعد ماشفت حماسكم بقسم الشعر
اول شي فكرت اسويه اني اترك الاستشوار والسيراميك فتره الى مايتعدل شعري واللحين ابشركم تعدل ومستغنيه عنه الحمدلله من فضل ربي


برنامجي تقريبا تون لي شهر والحمدلله لقيت نتائج رووووووعه بتقولون شهر مده بسيطه حتى انا مراح اقتنع لكن والله ان هذا اللي صار معي وتغير شعري بهالمده البسيطه البرنامج هو يوم زيت ويوم راحه ويوم ماسك ويوم راحه ويوم حنى اوسدر ويوم راحه وبعد كل حمام تونيك اسويه انا وكل يوم على هالحال الى ماوصلت لنتيجه روووووووعه





الزيت .. زيت دابر املا الذهبي + نارجيل اللي علبته خضراء + كم حبه والله ماذكر كم حطيت ثوم مفروم + خميره + حبه سوداء مطحونه + حلبه مطحونه
حطيت زيت النارجيل بقدر على وحطيت معاه كل المقادير ماعدا زيت دابر جبته بعدين واظافته عليهم المهم خليتهم يطبخون شوي وطفيت النار وبعدين خليته يبرد وحطيته بقاروره بعد فتره اظفت زيت دابر عليهم وبديت استخدم الزيت لمدة ساعتين الى اربع ساعات واتحمم قبل لأطلع من الحمام اشطف شعري بالتونيك



الماسك .. من بيضه الى ثلاث بيضات على حسب شعرك واحط معاه+ حلبه مطحونه + زيت انا احط الزيت حقي اللي سويته فوق وحطيت اظافه من عندي اللي ساعد في تمليس شعري اكثر بديل الزيت من بانتين مالي مقدار معين يمكن ملعقتين كبيره احط منه + زبادي
واخلطهم واحطهم على شعري لمدة ساعتين واتحمم + تونيك


الحنى والسدر لي فتره موقفته لانه خلص بس لما كنت احطه كنت احطهم سوى واحط معاهم زبادي حلبه مطحونه الزيت حقي وبيض ملعقه نسكافيه وملعقه خميره كنت اخليهم من ساعتين الى اربع ونفس الحركه بعد ماتحمم التونيك حقي وطبعا يكون عندي بلسم اللي احبه انا بلسم دووف روووعه يخلي الشعرحرير وعلى هذا الحال لمدة شهر والله يابنات كنت اعاني من تقصف لدرجة انه فيه بنات قالولي قصيه معاد ينفع بس ماستسلمت قلت اكيد فيه علاج وعلى فكره اللي خلاني استخدم البيض اني قريت انه يعالج التقصف وفعلا يابنات كثير خف التقصف عندي ياربي لك الحمد طبعا مراح تبان النتيجه من اول مره لا لازم استمرار والله يابنات النتائج اذهلتني بشكل ماتتخيلون الاستشوار تركته وشلته من قاموسي
والسبب يرجع بعد الله للبرنامج واذا طلعت من الحمام الف شعري طاقيه على طول فيه ناس يسمونها (حوايه ) انا مراح اعرف اوصفها اذا وحده تعرفها ياليت تشرحها
اللي لاحظته زيادة طول شعري خلال شهر تقريبا قبل البرنامج كان 19سم وبعد البرنامج 22سم وبدون مبالغه هذا اللي صار معي ولا حظت النعومه الخياليه والتقصف شبه اختفى من شعري اطراف شعري صارت لينه وتدخل على جواء بعد ماكانت يابسه ومدبسه متنلف وهذا هوبرنامجي اللي حول شعري لقمة الجمال والله يابنات ان شعري صار زي شعر الفلبينيات وربي مومجامله وانا ماقلت برنامجي الا عشان افيدكم
واهم شي في البرنامج عشان تستفيدين انك تبعدين الاستشوار والله يابنات انه يدمر الشعر
والتونيك حقي نسيت اقوله مقاديره
اكليل الجبل روووووعه للتساقط + ملعقه صغيره بن قهوه للتقصف + خميره + سدر ملعقه صغيره + بصل + فلفل رومي + شاهي
طبعا كلها مقادير بسيطه لان نبيه غسول للشعر بعد الحمام تخلينهاتغلي على النار لمدة خمس دقايق بعدي تخلينها تبرد ثم تصفيها وتغسلين فيها شعرك
وخلاص ونشفيه وابدي سوي طريقة الطاقيه او الحوايه
وادعيلي كل ماشفتي شعرك واستفدتي من البرنامج



بنات الله يرضى عليكم ترى تعبت في الموضوع كل اللي ابيه منكم دعوى في ظهر الغيب ان الله يفرج همي ويحققلي مأتمنى مراح اقول الله لايحلل ولا الله لايسامح لا لا لا ابدا
منتو مجبورين تدعون طيب منكم اذا دعيتو
واللي بتنقل الموضوع <<<<<<<مصدقه نفسها

مسامحتها بشرط ذكر اسمي واسم المنتدى
واخيرا وليس اخرا اسفه اذا طولت عليكم
والله الله بالردود والدعوات الزينه
ولاتنسون ذكر الله ماشاءالله تبارك الله