الحمدلله الي ستر علي😢💔

هذا انا يا بنات اليوم الساعة ٥ الفجر كان عندي واجبات للجامعة لوقت متأخر فواصلت. المهم يوم جات ٥ وانا ما نمت والشمس بتطلع قريب قلت خلوني اغسل ملابس زوجي وثيابه كلها عشان اعلقهم وانام واذا صحيت ٧ والا هم ناشفين اكويهم. واخذت حتى الثوب الي بيلبسه لدوامه وغسلته لأنه كان لابسه ساعة بس.




المهم خلصت مهمتي ولله الحمد وانا دوامي ٨ وزوجي ٧ دوامه. يوم صحى ٧ جيت بقوم معه عشان يفطر وقال ماني مشتهي افطر نامي لين وقت دوامك. وانا استرخي على مخدتي والله كأني نايمة على غيمة من كثر الراحة والطمأنينة الي كنت حاسة فيها. فجأة ما امداني اغمض عيني الا تذكرت اني غسلت ملابسه ونسيتهم بالغسالة والرجال بيداوم بعد ربع ساعة وما عنده ثياب ولا ملابس داخلية 🤡




شوي الطمأنينة الي كنت فيها صارت خوف وهلع واستنفار. وانا اركض للغسالة وادعي ربي اقول يا رب استر علي هذا ما يكفني من انتقاده شيء على هالصباح يا رب استر علي وخلها تعدي على خير يا رببببب.




المهم بسرعة حطيتهم بالنشافة وخليهتم ياخذون كم دقيقة واسمع صوته عند المغسلة حقت الرجال يغسل ويتوضأ عشان يصلي وانا ادعي يا رب يا رب سترك وقااامطة العافية.




المهم بعدها بسرررعه من النشافة للكواية والثوب الحمدلله قماشه من النوع الي ينشف بسرعة بالنشافة ومع الكوي ينشف تماماً كويته ونشف وعلقته وجاء الدور على الملابس الداخلية وجلست استشورها واكوي فيها لين عجزت والحمدلله ما جات ١٠ دقايق الا كل شيء خالص وجاهز وانا منهد حيلي من الروعة 😭💔💔




المهم بعدها قال وين شراباتي وانا ناقعتهم بيكربونات الصوديوم 😭💔 ما سلمت مرره بس اهون من انه ما يلقى ثياب او ملابس.


وبس هذي سالفتي توته توته 😂😂



ما تحسون المرأة عموماً اكثر تسامح وتغفر لهفوات زوجها؟ يعني هو بس عشان ما لقى شراب سوا لي سالفة، فما بالكم لو كان ما نزل علي الوحي وانا نايمة على غيمتي وش كان بيسوي لي 💔