الحمدلله حملت بعد انتظار..اللي حابه تستفيد من قصتي تتفضل

السلام عليكم ورحمة الله وبركاته
اللهم لك الحمد والشكر من الله علي بالحمل بعد انتظار اربع سنوات ..
خلال هالمده ماتركت علاج يعتب علي مااخذته رغم سلاماتي من اي مرض والحمدلله..بعد مراجعات كثيره على المستشفيات ماشفت اي نتيجه منهم ..قررت اعتمد على نفسي واجرب العلاجات الشعبيه من تمريخ وكاسات هواء وخلطات كثييييره ولكن دون نتيجه تذكر..
بعدها خلاص تعبت نفسيا وجسديا وقررت ارتاح تماما من العلاجات واتفرغ لنفسي من رياضه واهتمام بشعري وجسمي وادلع نفسي قد ما اقدر حتى نفسيتي الحمدلله اتغيرت كثيرا..
3شهور راحه واستجمام وايمان بقضاء الله وقدره وان اللي مكتوب لي راضيه فيه وولدي بالدنيا كلها وخلاص.
شهر صفر رجعت فكرة الحمل ببالي بس قررت اجرب اشياء ماقد سويتها خلال هالاربع سنوات وراح اذكر لكم وش سويت يمكن تستفيدوا من تجربتي..
اولا خلال الدوره ما استخدمت اي شي نهائيا تركتها تنزل براحتها لاني مجرد ما استخدم اي عشبه حتى لو قرفه وزنجبيل دورتي تخف وثالث يوم توقف تماما فقلت خليها براحتها.
ثاني شي مسكت جالون المويه الكبير تبع البراده العاديه وقرات فيه رقيه شرعيه وصرت اشرب منه انا وزوجي طوال اليوم وطبعا سويت كل شي من غير علم زوجي قررت اتعالج بصمت.
ثالث نقطه بعد انتهاء الدوره سويت خلطة عباره عن بذور الفجل ملعقه صغيره
وحبه سوداء ربع ملعقه صغيره
وحلبه ربع ملعقه صغيره
واطحنها مع بعض طحن خفيف مو ناعم واخلطها بملعقه كبيره عسل واخذها صباحا بس لمدة 3 ايام
بعد ال3 ايام سويت خلطة القسط الهندي اللي هي ملعقه قسط هندي مطحون وملعقه عسل اذوبهم في كاس مويه واقرى فيهم سورة الفاتحه 7 مرات وبصراحه ماطولت فيها يمكن 5 ايام فقط ووقفتها....
بعد كذا بدا الملل عندي وخلاص شلت التفكير بالحمل من بالي وقلت بلاش خلطات وتعب اروح لدكتور افضل وابدا معاه رحلة علاج بالتلقيح الصناعي او اطفال انابيب ....
وفعلا روحت للدكتور وقال نبدا من الشهر الجاي كلوميد وابر تنشيط ونقرر بعدها اذا تحتاجي تلقيح صناعي او لا....
والحمدلله ربي اكرمني بالحمل وريحني من التنشيط ومشاكله ...واتمنى انكم تستفيدوا من تجربتي وكل من تستفيد تدعي لي بظهر الغيب..