يالله حيهن وزد فضلهن:icon28:
الله يسلمكن اليوم قضينا من التفريز يارب لك الحمد وقلت فرصة أصور وأورية خواتي يستفيدن
وانصح اللي مافرزنن لايفوتهن رااحة ومايروح رمضان وانتي بالمطبخ واذا جاء احد فجأة ماتبلشين بس تطلعين وتحمرين..
على العموم هذي صور تفريزنا
السمبوسه
طريقتي أحمس البصل والجزر والفلفل البارد بزيت بعدين اضيف الماجي والبهارات والفلفل والملح واللحم المفروم(أحيانا أغسلة وأحطة مباشرة وأحيانا اسلقة واشخلة واحطة على الكشنة والغرض من السلق حتى يخف دهنة وتروح الريحة) واذا نجض احط البقدونس وابدا احشي.
سمبوسة صغيرة بالجبن
واذا احتجتة اقلية واسقية شيرة
السبرنج رول
طريقتة مشابهه لحشوة السمبوسة الا اني ازيد خضار جاهزة اسلقة واضيفة وجبن
كبة
ولاتسألونن عن الطريقة خخخخخخخخ لاني حستة بس الطعم مقبول
كشنة طماط للشوربات والملوخية وغيييرة
الطريقة (بقدر احط طماط كمية كبيرة وبصل وثوم وفلفل بارد وحار وصلصة وماجي وشوي ماء اخليهن نص ساعة على النار بعدين اطحنهن واحطهن بعلب )
جزر ابشرة وافرزنة حتى اذا احتجتة بالكشن والحشوات
والحين ابوريكم القرصان اللي اشتريناة وهذي هدية لبنات القصيم لان المحل بالقصيم رهيب وهش ورخيص الكرتون بـــ35 اسم القرصان ( مستاف ) <<للمعلومية المحل اول مررة نشتري منة ولا اعرف صاحبة بس يستاهل اللي يسر على المسلمين.
هذا قرصان دوائر شكل جديد ممكن يستعمل بديل عن السبرنج رول وللبيتزا والحشوات <<اول مرة نشترية امخمخ واعلمكم حشواتة
قرصان للمطبق اعجبن ان حجمة مناسب موكبير
للسمبوسة الصغاار حلو بدل التقصيص
ماصورت قرصان السمبوسة العادي لان شكلة معروف
وبكذا انتهيت أسأل الله أن يبلغنا رمضان ويعيننا فية على الصيام والقيام ويتقبلة منا وكل المسلمين
دعواتكم
(المعذرة على رداءة الصور بس العوض ولا القطيعة)