REEM @REEM_ALTURKI

عضوة نشيطة

الحمدلله سويت اشعة الصبغة للرحم 🕛

كيف الحال يا حوائيات ..
أمس كان موعدي لأشعة الصبغة وكنت شايله همهاااا
من كثر ما اقرى عنها وعن البنات اللي يسوونها ..

توكلت على الله واخذت شاور ولبست وطلعت للموعد وجالسه بالانتظار على أعصابي الين نادوني ودخلت وكان فيه بنتين ومعهم فلبينيه ..

أول مادخلت سألتني إذا معي إلتهابات وقلت لها لا ..
(( من غير مايكشفون علي أو يسوون مسحه زي ماقريت مع البنات اللي سووها ))

المهم بدلت ولبس لبس الكشف وبدت تعقم المكان وكنت أحاول ارخي نفسي قد ما أقدر..
الإحساس كان مُزعج لأن فيه أكثر من شخص بالغرفه اما الإجراء نفسه !! كان آلم ُمستحمل ..

طبعاً الحمدلله أني تشجعت وسويتها ..
لأن لما حقنت الصبغه واحد من الأنابيب على طول بين معاهم على الشاشه ، أما الثاني كان مسدود !
وقالت لي انها بترجع تحقن وعلمتني اني ممكن احس ب الم ، ورجعت حقنت مره ثانية على الأنبوب وفعلاً حسيت ب آلم دورة قوووي واللي صار انه الحمدلله ، فتح معاها الأنبوب المسدود ..

واخذوا صور لكل الاجراءات اللي صارت وانا اشوف الشاشه قدامي وشفت كل شي ..
وموعدي مع الدكتورة بعد ٣ أيام عشان أشوف نتيجة الإشاعة بإذن الله
لأن دكتورة الأشعة وظيفتها تسوي الإجراء فقط ..

اللي خايفه ومتأخرة بالحمل تتوكل على الله وتسويها
انا كان الأنبوب مسدود والحمدلله ارتحت لما شفت الصبغة تدخل منه بعد ماحقنته بقوه ..

والله يرزقني ويرزق كل مشتهيه الحمل يارب ⚘

يلزم عليك تسجيل الدخول أولًا لكتابة تعليق.

تسجيل دخول

رهف • سنتين

كيف اعرف انو عندي الانبوب مسدود او ايشالعلامات؟! انا اعاني من تكيس بسيط وصغير

REEM • سنتين

رهف :

كيف اعرف انو عندي الانبوب مسدود او ايشالعلامات؟! انا اعاني من تكيس بسيط وصغير

كيف اعرف انو عندي الانبوب مسدود او ايشالعلامات؟! انا اعاني من تكيس بسيط وصغير

مرحبا رهف .. قبل أراجع في مستشفى العسكري كنت اروح خاص وقالت لي ان عندي بداية تكيس مع العلم انو دورتي الحمدلله منتظمه ..
بس كان فيه حبوب فجأة طلعت بوجهي ومانفع فيها علاجات الجلدية وكان هذي هي العلامه الوحيده اللي تتماشى مع التكيس ..

المهم انو مع مراجعاتي بمستشفى حكومي محد جاب طاري التكيس ولا تكلموا لي عنه مع اني عدت كل تحاليلي وقالوا كل شي تمام ؟!

لكن قالوا لازم نسوي أشعة للرحم نشوف الأنابيب والرحم اذا سليمه عشان نبحث في الأسباب اللي أخرت الحمل . .

واللي صار زي اللي كتبته ف الموضوع
ان فعلآ كان انبوب مسكر وانفتح مع الحقن بفضل من رب العالمين ..

اذا كنتي متأخرة بالحمل سويها وبإذن الله انها سبب من بعد إرادة ربي انو يصير حمل 💗

Rama • سنتين

سويتها بالعسكري والا خاص

Asma • سنتين

انا سويتها صح الم بسيط بس ترتاحي … وبعدها سويت الابر التفجيريه وماصار حمل للحين وربي يرزقنا يارب

REEM • سنتين

Rama :

سويتها بالعسكري والا خاص

سويتها بالعسكري والا خاص

بالعسكري