كلام العيون @klam_alaayon

عضوة شرف في عالم حواء

الحمدلله على قضائه وقدره...يا بنات أنا أجهضت!

اللهم أجرني في مصيبتي وأخلف لي خيرا ً منها

.

مثل ما انتوا شايفين يا بنات للأسف
تمنيت ما انزل هالموضوع بيوم من الايام وادعي
ربي انه ما تمر اي وحده بهالتجربة الصعبه جدا ً...

الحمدلله على كل حال
ربي ما اراد لحملي ان يتم واكيد لخيره لي ولزوجي
ما يعلم بالخير والصالح لنا غيره .. وهو وحده يعلم ما بالغيب

ما تتخيلون كيف كانت فرحتنا انا وزوجي
بهالحمل ... لأنه اول حمل لي وعسى يارب
يعوضنا باللي احسن منه بالقريب ويعوض كل من فقدت حملها
ويرزق كل من تتمنى بالذرية الصالحة السليمة والمعافى التامة الخلق والخلقة
بلا زيادة ولا نقصاااااااااان آمين

اللي صار لي رغم حذري
وانتباهي الشديد لكل خطواتي وعدم طلعاتي من البيت
الا للعيادة واهتمامي بتغذيتي ولو بالقليل .. كنت ابذل مجهود
شديد علشان آكل اكل صحي واتجنب كل شئ مضر .. رغم الوحم وتعبه!

اهتميت انه هالحمل يتم على خير ..

بس للأسف توقف نمو الجنين
بالاسبوع الثامن ... بدون اي سبب مقنع
والدكتورة تقول هالشئ طبيعي وكثير صار لهم هالشئ خصوصا ً اول حمل
قلت لها الحمدلله وش نقول غير لله ما اعطى ولله ما أخذ

طبعا ً البيبي ظل اسبوعين
برحمي ولا نزلت على لا افرازات ولاآلآم بسبب الدوفاستون
والوحم خف شوي وحسيت نفسي خفيفة ...

وكنت مازلت بأول ايام الاجهاض
قبل امس نزلت علي اول قطرات دم مع آلآم وتقلصات ...
وكنت خاااااااااااايفه كثير من كثر ما سمعت عن ألم الاجهاض والنزيف ووووتبعاته

والدكتوات قالوا لي خليه
ينزل من نفسه احسن .. لأنه صغير

وآآآآآآآخ يا بنات امس من قبل
صلاة المغرب صادني نزيييييييف حااااااااااد بلا توقف
كأنك فتحتي حنفية مااااااااااي دم دم دم شدييييد وبإستمرار
من ذاك الوقت إلين اليوم الصباح الساعة 8

وانا اول ما صادني النزيف جتني رعشة ووجهي صار اصفر وشاحب
ورحت للمستشفى ع طول ...

ورقدوني وعطوني مغذية وبهذلتني الدكتورة تحاول تبغى تسوي لي تنظيف
وانا بكامل وعيي ... هلكتني شفت الموت بعييني ... وما ودي اذكر التفاصيل والادواااااات :06:

رغم انه ما كان له داعي
لأن البيبي وبعض المشيمة نزلت بالبيت
وانا شفتهم ... والبقايا صارت تنزيل بشكل متتابع ... مع تقلصات
شديدة ونزيييييف وبلاوي ... الحمدلله الله يأجرني على مصيبتي كانت ليلة .... بكل ما تحمله
الكلمة من معنى ...

واليوم رخصوني الظهر
ورجعت بيتي انا وزوجي وحدنا :44:

.

ما ابغى منكم غير دعوة
بظهر الغيب ان الله يعوضنا ويرزقني بالحمل
السليم المعافى بالذرية الصالحة البارة ولكم بالمثل ...
والله يتمم على كل حامل حملها ويفرحها بشوفة ضناها وهو بأتم صحة وعافية يارب

.

والله كانت فيني غصة بحلقي
وما بغيت اعترض على حكم ربي .. استغفر الله
الله يربط على قلبي ويهون علي مصابي .. ويأجرني ويعوضني باللي احسن منه بالقريب
الاجهاض تجربة قاسية جدا ً جدا ً جدا ً خصوصا ً لوحده بكرية مثلي!

303

31K

يلزم عليك تسجيل الدخول أولًا لكتابة تعليق.

تسجيل دخول

مريم جوردي • 16 سنة

الله يعوضك خير اختي

بس ليش سوتلك تنظيف بدون بنج

وش هالدكتوره

Anya • 16 سنة

الله يعوضك خير حبيبتي ويفرحك قريب يارب
حاسة بيك والله ترى انا بحملي الاول كمان اجهضت بالاسبوع 8 وربي عوضني بحملي هذا
الفال لك ان شاء الله وما ندرى الا وانت تبشرينا بحملك يارب
ديري بالك على نفسك ياعمري ولا تفكرين كثير انت ماتدرين باللي فيه الخير لك

الله يرزقك بالحمل التام السليم يارب

روموز الأمل • 16 سنة

:( يابعد عمري
وربي خنقتني العبره ومادري شقول
الله يربط على قلبك ويصبرك ويعوضك بالحمل السليم المعافى في القريب العاجل
لسى مو مستوعبه >>>>>>>>>>> :( الله يعوضك ياقلبي

❤ عطريـﮯانفاسـﮭﮯ ❤ • 16 سنة

الله يعوضك ويرزقك في القريب العاجل

عبير البنفسج-22 • 16 سنة

الله يعوضك خير منه ..
والحمد لله توك .. وانتي عليك بالدعاء وما خاب من دعااه