السلام عليكم
شخباركم عساكم بخير يارب تكونو حوامل في هذا الشهر وتبشرونا وتفرحونا معكم يارب
بقول لكم سالفتي مع المنشطات
انا الشهر الي راح اخذت كلوميد حبتين باليوم خمسه ايام من ثالث يوم بالدوره وابرتين تفجيريه
بعد الابر التفجيريه ب14 يوم نزل عندي افراز لونه بني فاتح استغربت
كلمت الدكتور قال لي طبيعي
المهم سويت تحليل منزلي طلع سالب
استنيت موعد الدوره تاخرت عندي ثلاثه ايام
رحت المستشفى حللت دم طلع حمل وماتتصورون كيف فرحتي وفرحة زوجي واهلي
في نفس اليوم الي اخذت فيه التحليل نزل دم بالليل كان لونه وردي فاتح
خفت انا قلت يمكن المستشفى غلطانين لايكون الدوره نزلت معي مره ثانيه
استغفرت ربي ولعنت الشيطان قلت يمكن دم بسيط ورح يوقف لان دايما اشوف بالمنتديات ان بعضهم ينزل دم عادي في اول الحمل
المهم استمر معي الدم ليوم الثاني بس كان دم لونه خفيف وقليل
رحت للدكتور عطاني مثبت وقال هالشي طبيعي بس اذا زادت كمية الدم تعالي
استمر الدم ينزل معي لمدة اسبوع
وكل يوم لون مره اسود ومره افراز بني مخلوط بدم ومره احمروتعبت نفسيتي حيل
وتدرون كلام الحريم كل وحده تقول لي شي
الي تقول يمكن المشيمه نازله
والي تقول يمكن حمل غزلاني تنزل الدوره عادي مع الحمل
والي تقول يمكن انذار للاجهاض
والي تقول يمكن البويضه تتلقح او الجنين يحفر في جدار الرحم وينزل دم
المهم صرت في حوسه مو عارفه من اصدق
لما شفت مدة الدم طولت عندي رحت للدكتور
اخذ علي سونار على البطن مش مهبلي
قال لي الحمل لسه ببدايته ومابين شي عندي تعالي لي بعد اسبوع عشان نشوف النبض واحتمال الجنين معرض للتسقيط
قال ارتاحي ولاتشيلي ثقل ولاتتعبين نفسيتك كثير
استنيت اسبوع والدم لازال معي بس بكميه اقل واللون كمان تغير صار مايل للبني ورحت له
اخذ علي سونار مهبلي
وبدا يفحص وسئلني طاح عندك شي هالاسبوع مع الدم
قلت له لا بس دم سائل خفيف وقليل الي ينزل معي بس في اليومين الاخيرن وقف الدم وبدى ينزل معي افراز بني
عاد انا وسوست قلت يمكن مافي حمل طول هالفتره وانا احاتي نفسي والي ببطني
قال الرحم مافيه شي؟ استغربت قلت طيب والدم الي ينزل مني شنو سببه اسبوعين كاملين وانا احاتي مارتحت ولافرحت بخبر حملي
قال في حمل بس احتمال خارج الرحم
قال استني رح ارسلك على طبيبه ثانيه ونتاكد وفعلا ارسلني وخذت السونار وطلع حمل خارج الرحم على الانبوب الايسر
وكان فيه جنين وفيه نبض
وخاف الدكتور علي قال لازم عمليه مستعجله بما ان الجنين موجود والنبض احتمال بيكون في انفجارفي الانبوب
وقع زوجي على الاوراق وشالو مني الجنين مع الانبوب
والحمدلله على كل حال
وانا كنت اعاني من التهابات متكرره بس مااهملت نفسي كنت دايم اروح اتعالج
فاعطاني الدكتور احتمال للحمل خارج الرحم ان سببه الالتهاب او لان الانبوب ضيق او بسبب التصاقات بس لسه انا مازرته عشان اعرف السبب لانه كان في اجازه
الفائده من ذكر قصتي
ان اي وحده فيكم تعاني من التهابات لازم تتتاكد ان رحمها نظيف قبل تفكر في الحمل
وكمان قريت في احدى المواقع ان من ضمن اسباب الحمل خارج الرحم حبوب الكلوميد وانا استغربت من هالنقطه خصوصا اني كنت فعلا ماخذه الكلوميد وتحت رعايه طبيه
اي وحده تلاحظ ان دورتها تاخرت او اخذت النتيجه وطلعت حامل ونزل عندها دم او افراز بني حتى لو نقطه لازم تشيك على حالها عند الطبيب لان لاسمح الله يمكن يطلع حمل خارج الرحم وبكذا احتمال يصير انفجار تعرضين حالك للموت لاسمح الله
والله يبعد عني وعنكم الشر يارب
انا كنت قبل اتحمس للحمل حيل لكن الحين صرت اتخوف من طاري الحمل خايفه تتكرر معي السالفه
فياليت الي حملت خارج الرحم تفيدني هل رح احمل طبيعي بعدين او رح يتاخر الحمل خلونا نستفيد من تجاربكم
وحبيت افيدكم وتدعون لي بالعوض
رب لاتذرني فردا وانت خير الوارثين
ويارب ترزق كل محتاج ومحتاجه للذريه وتجعلهم بارين معافين
ملاذ روحي. @mlath_rohy_1
محررة
يلزم عليك تسجيل الدخول أولًا لكتابة تعليق.
عصيررمان
•
الله يعوض عليك ماعندي معلومه تفيدك
لاكن حبيت ادعيلك مجربه فقد الجنين
الله يرزقنا الذريه من غير علاج امين
لاكن حبيت ادعيلك مجربه فقد الجنين
الله يرزقنا الذريه من غير علاج امين
الصفحة الأخيرة
انا اعرف وحده من قريباتي صار له زيك
حملت خارج الرحم بعد ثاني طفل بس ماشاء الله جابت بعد كذا اربعة اطفال
الله يخليهم لها ياارب
اهم شي ماتستخدمي موانع للحمل
واذا استخدمتي استخدمي موانع طبيعيه
والله يرزقك يارب