الحمدلله على كل حال دائما وأبدا

زوج حنون كريم ما شفت الحياة إلا معاه عوضني عن أيامي القاسية مع أهلي كل ماأفتكر أيامي أدمع وأحمد الله على خروجي من عندهم وانتقالي من المنطقة بكبرها، مُحب لو طلبت عيونه قال خذيها. مايرفع صوته عليه يحاول يسعدني ولا يرضى بزعلي أبدا. يدور الأشياء الي أحبها ويجيبها باختصار جمايله ماأقدر أردها من كثرها ووقفته معاي أيام دراستي أول. أكرمني الله معاه بحياة رائعة فوق ماأتخيل.
راجعنا للإنجاب طلعت تحاليلي سليمة ولله الحمد. راح لنتائج تحاليله جاني وناداني أبغاك بموضوع ووجهه متغير خانقته العبرة يتكلم ويحاول يغطي ببسمة
خير إن شاءالله ايش الموضوع؟
أقول لك طلعت تحاليلي للأسف مافيه حيوانات والسائل المنوي معدوم ماينفع💔.
الموقف لاأُحسد عليه صراحة الله لايحط أحد بمكاني.
تمالكت نفسي وابتسمت خير بإذن الله كل شيء بأمر الله وكل شيء من عنده خيرة.
بكى زوجي وحاول يمسك نفسه مسكين إنسان طيب وقلبه رهيف حاولت أسوي الموضوع طبيعي سويت له القهوة الي يحبها والحلى وسولفت عليه وضحكته وكتمت غصتي وكان أكبر همي مايتأثر.
خرج من عندي بدأت أستوعب الصدمة وأفكر أطالع بجوالي برنامج حساب التبويض من تزوجت أحسب تبويضي كل شهر بس خلاص 😔 الحمدلله على كل حال استرجعت شريط ذكرياتي معاه من بداية ماتزوجنا كل المواقف مرت بعيني.


للمعلومية زوجي قال لي شيء بث فيني الأمل من جديد:؛ قال وأنا صغير جمدوا لي حيوانات منوية بسبب عملية احتجت أسويها بعد مراهقتي أو يمكن بداية شبابي. فرحت وكأنه أوقد شموع الأمل مرة أخرى.


يمكن أبثرتكم بالموضوع بس كاتمته بصدري ولاأقدر أخبر به أحد ولاأفشي سره لمخلوق جاية أطلع حاجة بصدري وماشية.