لعلها خيرة حبيبتي والحمد لله على كل حال

أنا كنت مخططة نسافر ماليزيا في صيف 2009م

وبعد جهد وعناء وصياح ودموع وهواش وترجي وحنة ورنة تم الأمر

رحت وحجزت التذاكر ودفعت فوراً وحجزت الفنادق ودفعت كذلك وشريت كل مستلزمات السفر

كان هالكلام بداية شهر إبريل 2009م وطلع H1N1 وتفركشت السفرة وتحطمت أحلامي وإنكسر قلبي

كنت باخذ ولدي معانا لأول مرة ومتواعدين مع بنت خالي وريلها نسافر جماعة بس ربج ماكتب

ومنها كل ما أنوي تتعقد الأمور وماتكتمل الفرحة وهالحين ناويين نروح شهر فبراير وباخذ ولدي وبنتي معانا

وبعد من الحين لشهر فبراير الله يعلم بالدنيا شتسوي فينا لكن عندي أمل وأقول إن شاء الله

أنا كتبت لج هالكلام عشان تعرفين إن في غيرج وايد عاشو نفس الموقف وقدر الله وماشاء فعل

وإن شاء الله يكتب لج أحلى سفرة تعوضين بها اللي راح وإنتي بصحتج وعافيتج يارب :)

حبيبتي انا مثلك ولي كم سنه متزوجه ماشفت غير مكه والمدينه والشرقيه مع ان زوجي قبل الزواج وعدني يلف فيني العالم وكله صار خرطي
حتى الرياض ابشرك لويسالوني ايش فيها مادليت وكل سنه نخطط بنسافر ومايكتبه ربي وسبحان الله الناس اللي فعايلتنا بدون تخطيط مافيه غير سكتم بكتم ماشاء الله سفريات وروحات الله يهنيهم مع اني انا اللي اقرق فالحكي كل سنه انا بروح وبسوي وهم اذا سالتهم قالووو محنا رايحين مكان
وكنت اقول يووه خايفين من الحسد لكن اكتشفت ان هذا هو الصح لان الواحد مايدري وش بيصيرررر اذا ربي كاتب انووو بتروحين بتروحين اذا ماكتب والله لو كنتي على سلم الطياره يمكن يجيك اتصال ان احد توفى فعايلتكم بعيد الشرر وترجعين
يعني احمدي ربك على الصحه والعافيه والجايات اكثررر وان شاء الله يكتبلنا ربي انا وياك السفررر ونستمتع ياااااارب
اهم شي اهتمي بصحتك ولاتتحسفين على شي راح

الحمدلله رب العالمين عـ كل حال
لعله كفاره وخيره لك
ابتعدي يااختي عن اللوم والسخط
هذا مكتوب لك قبل لا تنخلقي
استغفري الله واحمديه عـ كل شي
والله يعوضك خير

لعله خير..


الخير فيما اختاره الله..

تفائلي بالخير واحسن الظن بربي..
ماتدرين يمكن تتيسر لك سفره قريبه بعد ماتقومين بالسلامه..

الحمد لله على الصحة والعافيه ويمكن تكون دفعت بلاء عنكم وتفائلو بالخير تجدوه والله يكتب لك الخير