الحمدلله ع كل حال

السلام عليكم ... 


اخباركم ي حلوين .. واخيرآ تفعلت عضويتي لي 5 ايام تقريبآ وانا معلقه 😏
المهم انا عضوه جديده عندكم ماشاءالله ولاحول ولاقوة الا بالله م سجلت الا من شفت ترابطكم وخوفكم ع بعض متابعتكم من فتره وفرحت كثير بتسجيلي معكم واخيرآ تم تفعيل العضويه 

مبروك للي ولدو والله يسهل ع الحوامل والله يصبر كل ام فقدت مولدها وشفيع بأذن ربي 

انا ي بنات من حملت بولدي الاول وانا معيونه 😔 الحمدلله ع كل حال 
وانا بالنفاس عند اهلي م كنت اعرف شي لاادويه ولاغيرها انا بكر امي وامي م تعرف شي بالنفاس 
من تولد تهتم فينا جدتي هي اللي تقوم بكل شي المهم من ولدت وانا عندي صحباتي هم اللي علموني وش اسوي وش احط الله يحفظهم من كل شر ويحفظكم 
م كنت اعرف الا ربط البطن بس 😕 من ولدت لحد م طلعت من الاربعين بس الحمدلله نفع معي مرا كل من يشوف شكلي يحلف اني م ولدت 
بعد م طلعت من الاربعين رحت لبيتي واهل زوجي كل خميس يجتمعون كل بناتهم وعيالهم وحريمهم المهم رحت لهم والله من شافو شكلي وهم منبهرين من بطني بعدها بطني انتفخ والدوره انقطعت وانتم بكرامه 
ماكنت حريصه ع الشي هذا ولاكنت متوقعه ابد انها عين بعد فتره زوجي تغير صار م يجي للبيت كل م يبي يجي فيه شي يمنعه تجيه ضيقه وكتمه 
والله اذا جاء يجلس بالحوش وجهه مكتم وحالته حاله انا انجنيت قلت اكيد فيه شي مستحيل يكون زوجي كذا الا بسبب 
سبحان الله جاء ف بالي اخذ من اهله فناجيل او اي شي رحنا بعدها لااهله نجتمع مثل كل مرا 
المهم قلت م راح اطلع من بيتهم الا وانا اخذه شي والله ي بنات م اخذت الا بعد جهد وتعب تعرفون البيت مليان ماشاءالله ولاحول ولاقوة الا بالله خوات زوجي واخوانه وعيالهم 
بفضل ربي اخذت وع طول طرت لبيتي وحطيته بكاس وصبيت عليه فيمتو عشان الطعم وشربته زوجي اقنعته مع انه كان رافض الشي هذا 
ومنكر انها عين المهم شربه والله العظيم من بعد م شربه حالته تغيرت وصار يضحك ويسولف تغييييير الحمدلله بفضل ربي 
انا فكرت اشرب منه مع اني بس اخذت ب علبة المويه ام نص بس الحمدلله جابت مفعول اخذت وشربت منه كانت الساعه 1 ب الليل بعدها بنص ساعه الا ارحامي الم غير طبيعي احس ارحامي تتقطع نمت وبعد م صحيت الله لايوريكم الدنيا كلهاا وانتم بكرامه حتى بجامة زوجي صار فيها بقع استمرت الدوره معي 23 يوم تخيلو وبطني خف شوي بس ملحوظ عليه اتصلت ع شيخ وقلت له كل شي 
قالي لازم تاخذي 3 مرات منهم انا هنا فكرت لازم اخذ مرا ثانيه بس شلون صعبه علي فكرت بحماتي زوجة اخو زوجي الكبيره فقلت لها الموضوع والحمدلله اخذت لي مرا ثانيه وصار لي نفس سالفة الشهر اللي راح استمرت معي 23
الموضوع هذا بعد م كبر ولدي وصار عمره 8 سنوات بعد كم يوم زوجي نقل لمكان بعيد عشان دوامه لمدة سنه انا رحت لااهلي 
طول الفتره اللي انا عند اهلي كانو اهلي يلحون علي يبون احمل واجيب اخ او اخت لولدي 

وزوجي بعد يلح علي يقولي عالجي روحي للمستوصف انا رفضت اروح للمستوصف اقولهم الله هو اللي يرزق لامستوصف ولاغيره 

اذا ربي كتب كتب والله هالكلمه كانت تسكتهم انا بس رحت لشيخ اقراء لا مستوصف ولاغيره والحمدلله قريت كم مرا بس والدوره انتظمت بفضل ربي والحمدلله حملت والحين بنهاية الثامن بفضل ربي بعد م دخلت السادس جتنا وحده زياره وجلست عندنا اسبوعين المهم مرا كنت اكل ليمونه وقلت لهذي اللي جتنا كولي معي ليمون قالت مااحب الحوامض بعد مااكلت وخلصت نمت والله بعد م صحيت وفمي من الجهه اللي اكلت اليمون كله حبوب والتهاب ولااقدر افتح فمي ابد 😭 عطتني عين  رحت لنفس الشيخ والحمدلله خف الالم والالتهاب بس يبي كذا مرا اروح له..

ع فكره للحين م رحت للمستوصف لامواعيد ولامراجعات كل شي ع ربي وحسن ظني بالله فووووق كل هذا 

والله ربي ارحم لنا من امهاتنا واذا فقدنا شي فهو خيره لنا 

بنهاية كلامي الله يسهل ع كل حامل وان شاءالله نولد مواليد كاملين والكامل وجهه طيبين متعافين يارب قبل لااخلص موضوعي انا من حملت بولدي الاول الحمدلله م فكرت اروح لااي مستوصف او اراجع متوكله ع ربي والحمدلله ولدت وولدي طيب مافيه الاالعافيه بفضل ربي 

ادري سالفتي متلخبطه داخله من الجوال عشان كذا حسيت بلخبطه 😕 

بناااات لاتنسوني من دعاكم وانا ان شاءالله بدعي لكم 

اللهم لك الحمد حتى ترضى ولك الحمد حين ترضى ولك الحمد اذا رضيت