بسم الله الرحمن الرحيم
كيفكم بنات ان شالله طيبين ......
لكل ام طفلها تم الاربع شهور يلا نبدأ نظام غذائي جديد
اول شي الطفل في هذا السن بالعافية عليه يرضع 5 رضاعات طبعا مستحيل اكثر ولا يكون اقل
مو عشان يسمن لانه الحليب فيه كل شي يحتاجه بس الام حتلاحظ انه طفلها مهما يرضع الرضاعة برضو يفضل جيعان
فهنا يبدأ انه لازم تدخليله شي زيادة على نظامه
طيب :27:
اول شي لازم الصبح تعطيه :27:رضاعة وتكوني صبورة معاه يشربها كلها طبعا لا ننسى نجشيه او نكرعه بالعامية
برضو حيحتاج رضاعة تانية الصباح على قرب الظهر وهو نايم حطيله هي راح يرضعها طبعا هادي تكون حليب مع سيريلاك رز
خلاص بعد كدة اتركيه مرة ياخد راحته لا تعطيه شي
لما يصحى اعطيه رضاعة الين نصها ووقفي بعد كدة 10 دقايق او ربع ساعة تكوني مجهزة اكله طبعا هادا موضوع تاني حاتكلم فيه بعدين تاكليه قد ما تعطيكي نفسك يعني كثري بالعربي
هو بعدها حيتخم ويبغى ينام نوميه بباقي الرضاعة
اذا كان نايم فترة مرة طويلة اعملي رضاعة وحطيله هي وهو نايم واذا صحي رضعيه رضاعة
بعدها طبعا حتكوني وصلتي كدة لاخر اليوم رضاعة سيريلاك مع الحليب او حليب لحاله
على كيفك عشان الصراحة ما ابغى اتهاجم في امهات راح يقولوا كدة كتير حرام عليكي
وعلى فكرة يختلف من طفل لطفل
وطبعا لازم نعودي طفلك انه ياكل من بدري لانه بعد كدة حتشتكي انه ما بياكل ومتعبك وغير كدة وراه تسنين راح ينحف مسكين فاهم شي التغذية
نجي للوجبات انا حاعطيكي افكار وانتي عليكي التنفيد برضو اذا عندكم افكار لا تبخلو عليا انا لسة مبتدئة
اول شي الرز المصري مع التمر طبعا اسلق الرز المصري اول وعالاخير ارمي 7 حبات تمر
وفي الخلاط وخلاص اعبي برطمان واحد زجاج لليوم التاني وبرطمان لليوم الي انا فيه
ما اكتر ما احب استخدم الاكل اكثر من يوم
البطاطس سادة او مع الجزر والرز المصري
التفاح مع الرز المصري والتمر
الجزر اليماني لحاله وشوية عسل معاه شوية نقطة
الا الان جربت بس هادي الي عنده افكار لا يبخل
واذا حبيتو انا احيانا ارمي 7 حبات حلبة عالاخير مرة تفور فورتين مع الاكل
طبعا ممنوع الملح او الماجي او السكر حتى لو نبات
اتمنى يكون عجبكم موضوعي
وشكرا:icon28:
Make Me On @make_me_on
عضوة جديدة
يلزم عليك تسجيل الدخول أولًا لكتابة تعليق.
يعطيك العافيه بنوتتي اعمل لها بوريه تفاح او بوريه بطاطس او جزر ومرات بدل الرز المصري اللي تستخدميه استخدم الشوفان مرة بالتفاح ومرة بالتمر وحجرب قريب بأذن الله الكوسة وبالبطاطس الحلوة وممكن كمان الكمثرى
ونصيحة الالبان والاجبان ماتعطى الا بعد السنه عشان ماهي مبسترة وممكن تسبب تلوث للطفل بطنه صغيرة ماتتحمل
ونصيحة الالبان والاجبان ماتعطى الا بعد السنه عشان ماهي مبسترة وممكن تسبب تلوث للطفل بطنه صغيرة ماتتحمل
الصفحة الأخيرة
انا ولدي له 10 أيام في الرابع ...أعطيته منقوع التمر
واعطيته كمان عصير برتقال مخفف بمويه ومع سكر نبات على اساس يرضعه تعرفي البرتقال حامض..ماتقبله الا بسكر
طبعا البرتقال أنا عصرته وصفيته
ودخلت السريلاك مع الحليب...
وان شاءالله بدخل الخضار ..والزبادي
اهم شيء تسمي قبل ماتكلي طفلك وادعي لك بالبركة
ولا تنسوا تشربوهم موووووويه بعد الاكل عشان الامساك