كوبونات الراقية تسجيل الدخول

ام ميدو حبيب امه

الحمدلله للحين ماجاني انهيار عصبي

الأسرة والمجتمع •

بسم الله الرحمن الرحيم الحمد لله حتى يرضى بنات أحس اني محتاجه افضفض واشوف أرآكم زوجي يابنات زعول ويحب التحطيم ورحمه في قلبه اشك تكون فيه الحمد لله ع نعمه الايمان زوجي كثير السفر تقريبا يسافر اسبوع ايه واسبوع لا شغل طبعابالاسبوع الي يكون فيه لازم يزعل ومايرضى الا ماأجي واراضيه واحيانا يزعل وماأعرف سبب الزعل وجهه كذا:mad:الاسبوع الي فات لما سافر كلمني وكانت بنتي تصيح وقلتله بنتي تعبانه وزعل ليش تقوليلي وقعد يفتح مواضيع قديمه منها انه كان مسافر وتعب ولدي لدرجه اني قلت خلاص مات الولد بين ايديني وكلمته اصيح وكلم اخوه ووداني للمستشفى وصار ولدي معلول 8 شهور وهو ماياكل وبس يستفرغ المحزن في الامر انه مو زعلان عشان ولده زعلان عشان أخوه يقول سريته في اليل وولدك مافيه شي قلت يالله للحين مانسيت قال لا مانسيت قلت لا تنسى انا ماسويت شي غلط وماهو اسري اخوك بس اسري ابوه بعد زعل عاد ياخذ فتره لين مايرضى المهم لي تقريبا 3 ايام وانا حراره ومزكومه وملوزه تعبانه وماقلتله عشان مايزعل وجا أمس من السفر والبس واتكشخ وقهوه وتوابعهاوالبسمه ماتفارقني عشان ماحسسه بشي كان عادي ويسولف مافيه شي قالتله بنتي بابا ماما تعبانه قال أجل مسخنه قلت عادي بسيطه ع انه باين علي التعب رحت انوم بناتي وجيت عنده والا قالب وجهه والبوز شبرين حسسته اني مانتبهت لزعله قلتله سالفه ومن راس خشمه يتكلم ياساتر قعدت اوسوس انا وش سويت ورحت سويت له شاي اعشاب ولما جبته لقيته نازل واقوله سويت لك شاي تعال ومايرد بتطول ومايرد نزلت الشاي وجلس في الملحق الي تحت ربع ساعه ومعه جواله وبعدين جا جلس شوي بعدين قام للغرفه جلست شوي ورحت للغرفه طلع من الغرفه ورجع لغرفه الجلوس وسكر الباب تركته وجلست ع جوالي ساعه ونص ورحت لمه قلت اجيبلك عشاء وهز براسه لا هذا والجوال بيده طلعت وسكرت الباب ورحت للغرفه جا للغرفه متأخر ونام انا طولت فيني صداع وتعب قرب الفجر ونومي متقطع المهم قمت قبله اليوم ولما قام سويت له القهوه وبعد منتفخ صبيت له قال نزليها اخذ القهوه قلت خلني اصبها قال وخري رحت جبت الفطور شافه قال بعديه واصب الشاي قال لاتصبين لي هاتيه اناأصب قلت انا اصب لنفسي مولك محسنني اني نكره رحت للصاله وافطرت انا وعيالي وماعاد جيته سويت غدا وغرفت له لحاله واكل وطلع من العصر وهو موفيه بنات بس أفكر من البارح اناا وش سويت للحين ماجا كافي التعب الي فيني واركض له ومو عاجبه واحيانا اقول يمكن متعرف ع وحده وقالب علي والله ضايقه فيني قلت خليني افضفض لبنات عالمي الجميل يمكن أخطيت بشي ينبهوني وتكفون ادعولي ان الله يهديه ويصلحه ويسخره لي ويخلي لي عيالي ويخليه لهم لأني تعبت معه كثيييييييييييير:44:
106
11K

يلزم عليك تسجيل الدخول أولًا لكتابة تعليق.

تسجيل دخول

زوززززززززززززززي
زوززززززززززززززي •
يااااااليتني عندك والله لا سكه كف ع وجه <<<سوووري بس والله شي يقهر





استغفرالله العظيم
قمر تميم
قمر تميم •
ياقلبي انتي الصح وهو الغلط

انتي تستاهلين تعامل افضل من كذا بمراحل

انا ماااادري ليه الرجال مايحمدون ربهم عالنعمه اللي عندهم

زوجه صاينتك وحافظه بيتك وعيالك

مااقول الاحسبي الله ونعم الوكيل والله يسعد قلبك قريب قولي اميييبن ويسخرلك زوجك وييبلغك بعيالك
محبة الصفاري
محبة الصفاري •
اعذريني ياقلبي اني اقول زوجك زعينفه ولاوش هالزعل اللي ماله داعي زوجك يوم شافك تلاحقينه وتراضينه قام يدلع ويتزعل عليك انتي بس طنشيه واذاشفتيه مروق كلميه وقولي له ان اسلوبه معاي مضايقني وان استمريت على الوضع تبي تسبب بفجوه كبيره بينا وبس ماأقول الا الله يصلح مابينكم
. ســــــديم .
. ســــــديم . •
الله يكون بعونك

ويفرج همك


نصيحة طنشيه وععاملية برسمية واحترام فقط

لين تعرفين وش فيه


وان شاء الله خير
روز السديري
روز السديري •
يالغلا تبيني نصيحتي طنشيه وربي يجيك يركض طنشيه ثم طنشيه وتكشخي واضحك مع اولدك خليك مبسوطه بدونه وربي يجيك يركض ركض طنشيه وابلشيه بطلبات حتى لو رفض ارجعي اطليبه عشان يعرف الله حق
بعض الرجال ودك بساطور والله
الله يعينك خيتوووو بس اسمع نصحيتي خليه اخر همك لايهزك رجال
ترهم نفخ ع فاضي هواء بس ماعندهم ماعند جدتي الرجال ماتوا الله يرحمهم مابقى الا قليل بس والله