الحمدلله لي سلم ابني

الحمدلله رب العالمين
اه يابنات الحمدلله لي سلم ابني وحفظه برعايته
امس انقطعت علينا المياه والرجال غايب عن البيت كعادته
المهم طلعت انا وابني للسطح والخزان عالي لازم يطلع بالسلم وخليته يطلع ومعاه كشاف بس يسمع اذا في صوت مياه وكان قريب الساعة ١٢ بالليل
والولد حب يتشاقى يقولي يمكن يكون مسدود من داخل ومدري ايش
ومالقيته الا نزل بالخزان وانا شايفته واصرخ عليه وهو طنشني والخزان عميق وكبير من جوا وكان فيه موية بس مو كثير غطت الولد للنصف
وهو نزل وانا قلبي ولع نار وصرت اصرخ عليه ويوم صار يبغى يطلع من الخزان ماقدر لازم احد يساعده
صار يحاول يطلع ويوم يوصل يتعب ويرجع يطيح وانا اسمع صوت طيحته داخل الخزان 😭😭😭 وانا قلبي يتقطع وابكي وحامل ولو غير كذا كنت طلعت وراه اطلعه
وابوه اتصلت عليه وما يرد ابدا
وبالاخر وبعد محاولات طلع من الخزان وطاح منه على الارض بقوة
ضغطه انخفض على الاخر وخفت عليه يصير عليه شي
نزلته وسويت له عصير ونام بعدها على طول وماخليته يصوم
اول ماجاه ابوه عصبت عليه بقوة وغصب عني فقدت اعصابي بسبب بروده وانه مو شايل الجوال ويقعد يبرر انه كان مع عماله وماسمع الجوال وقعد يعتذر
للحين احمد ربي انه سلم ابني وكل ما اتذكر صوته كل شوي يضعف ويستنجد عشان يطلع ويوم كان يطلع ويطالعني وبعدها يطيح مرة ثانية اصير ابكي بحرقة جوا قلبي للحين دموعي على خدي كل ماتذكرته