الحمدلله وأخيراً طلعت حامل، واليوم سويت اختبار منزلي وهرموني

السلام عليكم ورحمة الله وبركاته


الحمدلله الحمدلله الحمدلله، أخيرا حملت واليوم سويت اختبار حمل منزلي ورحت مباشرة المستشفى سويت اختبار دم هرموني وتأكدت اني حامل في بداية الأسبوع الثالث، وحبيت أشارككم فرحتي وأدعيلكم من قلبي الله يرزقكم بالحمل السليم المعافى،،، وأبشر الأخوات عضوات المنتدى اللي كانو يدعولي وشاركوني همومي وأحزاني وردو على استفساراتي ربي يسعدكم ويحقق كل أمانيكم يارب 🤲🏻


بعد سنة من محاولة الحمل بعد وقف حبوب منع الحمل ورحلة علاج من منشطات وابر تفجيرية وتغيير دكاترة، وأي استفسار ان شاء الله باكون جاهزة للرد عليه وبكرة ان شاء الله باروح حق دكتورتي أبشرها ونفسي أحضنها 😅 بس مادري بتوافق والا لا بسبة الكورونا الله يعافينا ويعافيكم منه.


ملاحظة ماعندي اي أعراض للحمل او الدورة عكس حملي السابق في بنتي، غير انه اليوم كان موعدها ومانزلت وسويت اختبار منزلي وطلعلي خطين واضحين ماشاء الله، فهالشهر ماخذة منشط فيمارا وابرة تفجيرية وصار الجماع ثلاث مرات بس ايام التبويض (بعد الإبرة التفجيرية), ومن بعدها مرتين صادني ألم فالظهر لايطاق وأمس كان الألم لايستحمل لأني تمشيت فالمول وايد.


والله يوفقكم ويسعدكم ويرزقكم ماتتمنون وأكثر باذن الله،