الحمدلله واخيراااااااا ولدت ،،، ولكن

^*^ليان^*^ :

رحت جدة :icon28: قعدت اول اسبوع ولا ولادة ولا خبر :unsure: جا موعدي وزي ما قلت في الردود السابقة عن معملاتهم السيئة للغاية وتعبوني وبشروني بالخير والحمدلله وكل اسبوع زوجي يحجزفي الويكند عشان يحضر ولادتي وما اولد يقوم ياخر الحجز للويكند الي بعدو ومر الاسبوع الثاني لا حس ولا خبر جا الويكند حق الاسبوع الثالث زوجي قال بجي يعني بجي ولدتي ولا ما ولدتي بجي قاعد انا بكيف البزر الي ببطنك :angry2: وجا يوم الربوع وجا ابو عيالي :arb: كانت الساعة 9 بالليل تقريبا اتعشى ونام الساعة 12 روحي يا ام ليان ارسلي السواق بعد ما نام ابو العيال وكل البيت على الصيدلية يجبلك قارورة زيت خروع :biggrin: جبلي الخروع وجبت كوب عصير منجا وكبيت فيه كل القارورة وشربتو دفعة وحدة على الساعة 1 الفجر ونمت 2ونص نمت مع ستي في سريرها على اساس لو سرلي شئ تكون جمبي وصحيت مع بداية مفعول الخروع الساعة 4 الفجر وانواع الفلاشات :icon810: في الحمام الله يكرمكم الين حسيت بطني نضفت تماما رجعت نمت صحيت الساعة 6 الصبح طلق في اسفل ضهري وبطني ويجيني كل نص ساعة وكدا قعدت الين الساعة 9 الصبح نزل دم كثير كأنو دم دورة خفت في النهاية صحيت زوجي قلت خلاص يكفيه نوم وماجبت حس لستي ولا لاحد في البيت نرجع للمهم صحيت زوجي وقلت طلوق طول الليل وما عرفت انام وفي النهاية دم والحمدلله يعني ان شاءالله ولادة قلي بس الولد دا ما يطلع الا بالعين الحمرا خخخخخخخخخخخ مروق هو ووجهو على الصبح فديته

رحت جدة :icon28: قعدت اول اسبوع ولا ولادة ولا خبر :unsure: جا موعدي وزي ما قلت في الردود...

^*^ليان^*^ :

رحنا على المستشفى على الساعة 10 الصبح لوحدنا دخلت على اجنحة الولادة طلع الرحم مفتوح 3 سم :09: قالولي ما تقدري ترجعي البيت بسبب الدم لان عندي فقر دم وهبوط في الضغط خافو اني ادوخ فخلوني مشبكة في المغذي والجهاز الضغط وجهاز الطلق ونبض الجنين المزعج :42: وقعد زوجي معايا الله يعطيه العافية وما عرف يتصرف لانو ما حضر ولادة ليان فكان شئ جديد وغريب ومرعب بالنسبة له اتصل على ستي وبابا واختي وقلهم بنتكم ولادة حبايبي قامو من داك الصبح ويجرو على المستشفى عشان يكونو جمبي احلى شئ في دي المستشى العفنة انهم يدخلو الزوج والام دخل زوجي وستي واختي كمان يقرو جمبي شوية وشوية يطلبولي اكل اكل وشوية يقوموني امشي شوية في الممرات الين سارت الساعة 3 الضهر من 10 الصبح الين 3 الضهر كل الي جا وفحصني ممرضاتولا دكتورة فكرت تشوف حالتي رغم ان في 2 متواجدات زوجي انقهر وقلهم وين الدكتورة وجابها قاست الرحم وطلع زي ما هوا ما توسع والطلوق باردة تجي كل 7 دقايق وسالتنا الدكتورة مين تبغي يولدك؟؟ قلها زوجي طالما انتي بديتي معانا خلصي معانا واتفقنا على كدا وسالتنا اذا تبغو ابرة ضهر قلتلها ايوة لان من غير مبالغة كنت مرة خايفة رغم انها الولادة الثانية بس مدري ليش مو زي ايام بنتي يمكن لان ايام بنتي بكرية كنت فرقع لوووووووووز ما اعرف راسي من رجلي وطلعت الدكتورة وما شفت وجهها وستاف الممرضات جدا رائع بمعنى الكلمة ما خلو يدي الا باسوها وراسي ويضحكو ويتكلمو وهادئين جدا وابدا ما يتاففو الحمدلله ربي حرمني من سوء معاملة الدكاترة وعوضني بممرضات زي العسل وقعدت على دا الحال الين الساعة 10 بالليل انا عصبت من الدكتورة لا جابت ابرة الضهر ولا جات تشوف الوضع ولا شئ :024: وكان الرحم مفتوح 6 سم. واعطوني وقتها الكمامة وابرة مسكن في العضل وبدا الم الطلق يقلي يا عين يا ليل :icon36: والست الدكتورة فين ؟؟؟؟؟؟؟؟؟؟؟؟؟؟؟؟ اتخيلو انها نايمة :angry2: في غرفتها المهم سارت الساعة 1 فجر الرحم سار 8 سم وانا وزوجي وستي واختي لوحدنا في غرفة الولادة كل بين فترة وفترة تجي ممرضة تقيس الرحم وتتطمن على الوضع........ سارت 3ونص فجر الرحم 10 سم وبدأ الجنين يدفع نفسه والممرضات ممنوع عليهم يتصرفو اي تصرف من غير اذن الدكتورة النايمة :confused: صارو خايفين يرفعولي رجولي وانا ادفع واتألم وهما يقولولي لا تدفعي الين جاتني ممرضة الله يهديها للاسلام يا رب قالتلي ادفعي انا اودك على مسؤوليتي دي الدكتورة تبغى الجنين يتكور ويطلع على فوق عشان تولدك قيصري :icon33: من جد وضعي وقتها كنت متأزمة ابغى بس ربي يفكني وما كنت اقول الا حسبي الله ونعم الوكيل

رحنا على المستشفى على الساعة 10 الصبح لوحدنا دخلت على اجنحة الولادة طلع الرحم مفتوح 3 سم :09:...