الحمدلله والشكر لله بأشياء بسيطة جداً نزل وزني بعد معاناة من الثبات

الموضوع واضح من عنوانه انا مشكلتي ما ينزل وزني بالساهل ودايما ثابت واحاول اضغط على روحي واتعب بالرياضه وينزل شي بسيط واتحطم تحطيم مش طبيعي :( فقررت بيوم من الايام اغير اشياء واجد بحياتي ونزل وزني من 96 إلى89 وودعت التسعسنات وعقبال ما اودع الثمانينات طبعا المده كانت فوق الاربع اشهر وبدون رجيم ورياض انزل بدون ما احس يتغيير اشياء بسيطه بحياتي أولاً الاكثار من الماء تقليل السكر بالجاي والقهوة بالتدريج لين قطعت السكر فيهم قطع المشروبات الغازيه والعصائر لانه كلها سكككككككككككككككككككر حتى العصير الطبيعي كله سكر بدال ما تاكلين برتقاله ويا الالياف مالتها المفيده العصير اقل شي 3 برتقالات وبيكون ماء وسكر قطع الوجبات السريعه ومره بالاسبوع اذا كان بخاطري وابدل المشروب الغازي بالماءالتقليل من الخرابيط الككاو والحلاو والشيبسات بعد الساعه 8 ما اكل و احاول انام مبجر واعدل نومي لانه السهر دمااار وبظل نروح ونرد هالثلاجه بسبب وبدون سبب من الطفش هههههقبل النوم يوميا اكل زبادي قليل الدسم او خالي الدسم ابدل الحلويات بالفاكهه او التمر اهم شي تعرفون شنو تاكلون وخلو عندكم كلمة لا بس كافي واذا بخاطركم الحلويات والخرابيط ناكل بس بعقل يعني شي بسيط كل يوم شس بسيط احسن من كل يوم ناكل لين ماله نهاية وسلامتكم وتعيشوووون